شىعىس قازاقستان دۇكەندەرىندە ادام ومىرىنە قاۋىپ توندىرەتىن ونىمدەر ساتىلعان

وسكەمەن. قازاقپارات - شىعىس قازاقستان وبلىسىنداعى دۇكەندەردە ادام ومىرىنە قاۋىپ توندىرەتىن ونىمدەر ساتىلعان، دەپ حابارلايدى قازاقپارات ءتىلشىسى.

ش ق و سانيتاريالىق- ەپيدەميولوگيالىق باقىلاۋ دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ساۋدا ورىندارىنداعى ونىمدەردىڭ قاۋىپسىزدىگىنە تۇراقتى تۇردە مونيتورينگ جۇرگىزىلەدى. وسى جىلدىڭ 6 ايىندا 944 تاماق ءونىمىنىڭ سىناماسىنا الىنىپ، تەكسەرىلگەن. ونىڭ ىشىندە 144 سىناما (,2) تەحنيكالىق رەگلامەنتتەردىڭ تالاپتارىنا سايكەس كەلمەيتىن بولىپ شىقتى. 32 سىناما حالىقتىڭ ءومىرى مەن دەنساۋلىعى ءۇشىن ءقاۋىپتى دەپ تانىلدى. ناقتى ايتقاندا، 13 تاۋاردىڭ جارامدىلىق مەرزىمى وتكەن، 4 سىنامانىڭ ميكروبيولوگيالىق كورسەتكىشتەرگە سايكەس كەلمەيتىندىگى انىقتالدى.

«جارامدىلىق مەرزىمى وتكەن نەمەسە ميكروورگانيزمدەر سەبىلگەن ونىمدەردى تۇتىنۋ ۋلانۋعا عانا اكەلىپ سوقپاي، ادامنىڭ ومىرىنە قاۋىپ ءتوندىرۋى مۇمكىن. ىرىكتەۋگە الىنعان ونىمدەردىڭ �,6 ى (119 سىناما) تاڭبالاۋ تالاپتارىن بۇزا وتىرىپ ساتىلعان. وندا ساقتاۋ شارتتارى، وندىرىلگەن كۇنى، جارامدىلىق مەرزىمى تۋرالى اقپارات كورسەتىلمەگەن»، - دەلىنگەن دەپارتامەنت اقپاراتىندا.

تاماق ونىمدەرىن ساۋدالاۋشىلار مەن وندىرۋشىلەرگە قاتىستى انىقتالعان زاڭ بۇزۋشىلىقتاردى جويۋ بويىنشا ءتيىستى ءىس- شارالار جۇرگىزىلدى. ناتيجەسىندە، 120 ۇيعارىم بەرىلىپ، 72,3 كەلى تاماق ءونىمى ساتۋدان الىندى.