«وسى جىلدىڭ ماۋسىم ايىنىڭ سوڭىنان بەرى ەلورداداعى كوروناۆيرۋس ينفەكسياسىنا قاتىستى ەپيدەميولوگيالىق جاعدايدىڭ كۇردەلەنىپ كەلە جاتقانى بايقالادى. ايتالىق، وسىدان ءبىر اي بۇرىن تاۋلىك ىشىندە بىرنەشە عانا جاعداي تىركەلسە، سوڭعى ەكى اپتادا ورتاشا تاۋلىكتىك تىركەلىم 120 جاعدايعا جەتىپ وتىر. سوڭعى تاۋلىكتە كوروناۆيرۋس ينفەكسياسىنىڭ زەرتحانالاردا دالەلدەنگەن 118 جاعدايى تىركەلدى. كوروناۆيرۋس ينفەكسياسىنىڭ دامۋ قارقىنى بويىنشا رەپوردۋكتيۆتىلىك سان 1,958-گە تەڭ»، - دەدى سارحات بەيسەنوۆا اگەنتتىك ءتىلشىسىنىڭ ساۋالىنا بەرگەن جاۋابىندا.
ونىڭ ايتۋىنشا، اۋرۋشاڭدىقتىڭ ارتۋىنا قاراماستان كوروناۆيرۋس ءبىرشاما تومەن اگرەسسيۆتى فورمادا ءوتىپ جاتىر. ەڭ باستىسى ناۋقاستاردىڭ ىشىندە وكپەنى جاساندى جەلدەتۋ اپپاراتىنا قوسىلعاندار جوق.
«قازىرگى ۋاقىتتا 118 ناۋقاس ستاتسيونارلاردا، ونىڭ ىشىندە 11 ناۋقاس رەانيماتسيا بولىمشەسىندە ەم الىپ جاتىر. سونىمەن قاتار 338 ادام امبۋلاتورلىق جاعدايدا ەم الۋ ۇستىندە»، - دەدى ول.
بۇعان دەيىن سارحات بەيسەنوۆا كوروناۆيرۋستىڭ وسىمىنە بايلانىستى ەلورداعا كىرىپ- شىعۋعا تىيىم ەنگىزۋ قاراستىرىلىپ وتىرماعانىن ايتقان حابارلاعان ەدىك.