EndeavorRx ويىنىنا اقش- تا دارىگەرلەردىڭ نۇسقاۋلىعىمەن عانا رۇقسات بەرىلەدى. ونىڭ ءبىر قاراعاندا باسقا ويىنداردان ايىرماشىلىعى جوق. زاتتاردى جيناپ، ءتۇرلى الەم ارقىلى عارىش كەمەسىنە جۇگىرەتىن كىشكەنتاي ادامدى باسقاراسىز. ءبىراق، قولدانباعا نەگىزدەلگەن ويىن نەيروبيولوگتارمەن بىرلەسىپ ازىرلەنگەن جانە ميدىڭ زەيىن قىزمەتىندە نەگىزگى ءرول اتقاراتىن ايماقتارىن ىنتالاندىرۋعا جانە جاقسارتۋعا ارنالعان.
دارىگەرلەر بۇل باعدارلامالىق قوسىمشانى تاعايىنداعان سوڭ، بالانىڭ اتا- اناسىنا ويىننىڭ سىلتەمەسى جىبەرىلەدى. بۇل ويىننىڭ ءتيىمدى اسەرىنە اقش- تىڭ دجوردجيا شتاتىنداعى ساۆاننا قالاسىنىڭ 13 جاستاعى تۇرعىنى وۆەين مىسال بولا الادى. وۆەيننىڭ زەيىنى ناشارلاپ، ول وقۋ ۇلگەرىمىنە اسەر ەتكەن. تاعايىندالعان ءدارى- دارمەكتەر بالادا جۇرەك اينۋ مەن باس اۋرۋىن كۇشەيتكەندىكتەن توقتاتىلعان. ويىن تاعايىندالعاننان كەيىن كوپ ۇزاماي اتا- اناسى بالانىڭ مىنەز- قۇلقىنداعى وڭ وزگەرىستەردى بايقاي باستايدى. مەكتەپكە دايىندىق ناتيجەلى بولىپ، مۇعالىمدەر تاراپىنان كەلەتىن جاعىمسىز حابارلامالار ازايعان. Endeavor ازىرلەۋشىسى - بوستونداعى Akili تەحنيكالىق فيرماسى، ول الداعى ۋاقىتتا ويىندى ەۋروپاعا شىعارۋدى جوسپارلاپ وتىر.