سونداي-اق، وعان قارسى داۋىس بەرۋ بويىنشا نۇسقاۋلىق بەرىلگەن. Stopfake.kz بۇل اقپاراتتىڭ جالعاندىعىن انىقتادى، دەپ حابارلايدى قازاقپارات.
سايت دەنساۋلىق ساقتاۋ مينيسترلىگىنىڭ تاراعان اقپاراتقا قاتىستى پىكىرىن كەلتىرەدى.
ۆەدومستۆو «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسكە سايكەس، مەديتسينالىق قارسى كورسەتىلىمدەرى جوق، قازاقستان رەسپۋبليكاسىنىڭ اۋماعىندا جۇرگەن ادامدار ينفەكسيالىق جانە پارازيتتىك اۋرۋلارعا قارسى مىندەتتى پروفيلاكتيكالىق ەكپەلەردى الۋى تيىستىگىن، ءبىراق وسى كودەكستىڭ 77-بابىنا سايكەس ازاماتتار ۆاكسيناتسيادان باس تارتۋعا قۇقىلى ەكەندىگىن حابارلاعان.
«ك ۆ ي-گە قارسى ۆاكسينا - ەپيدەميولوگيالىق كورسەتكىشتەر بويىنشا پروفيلاكتيكالىق ەگۋلەر جۇرگىزىلەتىن ينفەكسيالىق اۋرۋلار تىزبەسىنە ەنگىزىلگەن. بۇل رەتتە ەگۋلەر ۆاكسينا سالدىراتىن ادامداردىڭ اقپاراتتاندىرىلعان كەلىسىمىمەن عانا جۇرگىزىلەدى»، - دەپ ءمالىم ەتەدى مينيسترلىكتىڭ باسپا ءسوز قىزمەتى.
سونىمەن قاتار، ۆەدومستۆو وكىلدەرى بۇگىنگى تاڭدا مىندەتتى پروفيلاكتيكالىق ەگۋلەر جۇرگىزىلەتىن اۋرۋلار تىزبەسىن كەڭەيتۋ جوسپاردا جوق ەكەنىن اتاپ ءوتتى. ال، قازىر بىردەن بىرنەشە ەندەميكالىق ەمەس ەلدە تىركەلىپ وتىرعان مايمىل شەشەگىنە كەلەتىن بولساق، ازىرگە قازاقستاندىقتار وعان قارسى ەگىلمەيدى.
«اعىمداعى ەپيدەميولوگيالىق جاعدايدى جانە مايمىل شەشەگىنىڭ تىركەلۋىن ەسكەرە وتىرىپ، دۇنيەجۇزىلىك دەنساۋلىق ساقتاۋ ۇيىمى وسى ينفەكسياعا قارسى جاپپاي ۆاكسيناتسيا جۇرگىزۋدى ۇسىنباعانىن قوسىمشا حابارلايمىز. بۇل مايمىل شەشەگى اۋرۋىنىڭ جوعارى جۇقپالى ينفەكسيالارعا جاتپايتىندىعىمەن بايلانىستى جانە ونى جۇقتىرۋ ءۇشىن ناۋقاسپەن تىعىز قارىم-قاتىناس بولۋى قاجەت»، - دەپ ءتۇسىندىردى مينيسترلىكتەگىلەر.