تەرگەۋ امالدارى جالعاسۋدا. جاپوندىق ب ا ق-تىڭ حابارلاۋىنشا، كۇدىكتى تەرگەۋشىلەرگە بۇرىنعى ۇكىمەت باسشىسىن اناسى مۇشە بولعان ءدىني ۇيىممەن بايلانىسى بار دەپ ەسەپتەگەندىكتەن، اتىپ تاستاعانىن ايتقان. ال بۇل وتباسىندا قارجىلىق قيىندىقتار تۋعىزعان. پوليتسەيلەر قىلمىس ورنىنان تاسپامەن جابىستىرىلىپ بايلانعان بولات تۇتىكتەردەن قولدان جاسالعان تاپانشا تاۋىپ الدى. كۇدىكتىنىڭ پاتەرىنەن دە وسىعان ۇقساس قارۋ ۇلگىلەرى تابىلعان.
«مەنىڭ ويىمشا، كۇزەت پەن قاۋىپسىزدىك شارالارىندا پروبلەمالار بولعانىن جوققا شىعارۋعا بولمايدى. نە بولعانىن انىقتاۋ ءۇشىن مۇمكىندىگىنشە تەزىرەك ەگجەي-تەگجەيلى تەرگەۋ جۇرگىزىلۋى كەرەك»، - دەدى نارا پوليتسياسىنىڭ باسشىسى تومواكي ونيسۋكا.
اتاپ ايتقاندا، ءتارتىپ ساقشىلارى قىلمىسكەردىڭ ناراداعى ۇگىت-ناسيحات ميتينگىندە ءسوز العان سيندزو ابەگە قالاي جاقىنداي العانىن جانە بۇرىنعى پرەمەر-ءمينيستردىڭ كۇزەتشىلەرى بۇعان نەگە توسقاۋىل قويماعانىن تۇسىنۋگە تىرىسۋدا.
ايتا كەتەيىك، وسى ۋاقىتتا جاپونيادا پارلامەنتتىڭ جوعارعى پالاتاسىنا سايلاۋ ءوتىپ جاتىر. سيندزو ابە مۇشە بولعان ليبەرالدى- دەموكراتيالىق پارتيانىڭ قازىرگى جەتەكشىسى، پرەمەر-مينيستر فۋميو كيسيدا قازىر «ەركىن جانە ءادىل سايلاۋ» وتكىزۋ وتە ماڭىزدى، ويتكەنى ولار «دەموكراتيانىڭ نەگىزى» ەكەنىن مالىمدەدى.