بۋراباي ۇلتتىق تابيعي ساياباعىن قانداي وزگەرىستەر كۇتىپ تۇر
«كۋرورت ايماعىنداعى «بۋراباي» مەملەكەتتىك ۇلتتىق تابيعي پاركى قىزمەتكەرلەرى جالپى اۋماعى 129 مىڭ گەكتاردان اساتىن تابيعي كەشەندى كۇتىپ- باپتايدى. بيىل، جىل باسىنان، ينسپەكتورلار 66 گەكتاردان استام جەرگە اعاش وتىرعىزدى جانە 174 رەت رەيد جاسادى، سونىمەن بىرگە ورماننىڭ تابيعي قالپىن تەكسەرۋ ءۇشىن ونداعان گەكتار القاپقا زەرتتەۋ جۇرگىزدى. ورماندى ورتتەن قورعاۋ - جۇمىسكەرلەردىڭ نەگىزگى مىندەتتەرىنىڭ ءبىرى. ق ر پرەزيدەنتى ءىس باسقارماسىنىڭ كاسىپورىندارىن تسيفرلاندىرۋ باعدارلاماسى اياسىندا جۇزەگە اسىپ جاتقان اۆتوماتتاندىرىلعان جۇيە ورمانداعى ءورتتى جىلدام انىقتاۋعا جانە دەر كەزىندە ناقتى قارەكەت جاساۋعا كومەكتەسەدى» دەپ جازدى ايبەك دادەبايەۆ Telegram كانالىندا.
ونىڭ ايتۋىنشا، بيىل بۇل اۋماقتا 16 رەت ءورت شىعىپ، دەر كەزىندە سوندىرىلگەن. ورمانعا ەشقانداي زاقىم كەلگەن جوق. «بۋراباي» م ۇ ت پ جاسىل- جەلەكتى اۋماقتى قورعاۋمەن قاتار تۋريستەردىڭ قىزىعۋشىلىعىن تۋدىراتىن جەرلەردى، وعان باراتىن جولداردى بەكىتەدى جانە باقىلايدى. ۇلتتىق ساياباقتا وسىنداي 29 باعىت بار.
«بۇعان قوسا كاسىپورىن دەمالىس ورىندارى، قايىق ستانسيالارى، جاعاجايلار جانە باسقا تۋريستىك- رەكرەاتسيالىق قىزمەتتىڭ دامۋىن دا قاداعالايدى. كاسىپكەرلەردىڭ باسقارۋىنداعى ول ورىندار قاتاڭ تۇردە قاۋىپسىزدىك تالاپتارى مەن ستاندارتتارىنا سايكەس ۇيىمداستىرىلۋى كەرەك. بيىل دەمالىس ايماقتارىن دامىتۋ ءۇشىن كونكۋرستىق نەگىزدە 18 الاڭ قىسقا مەرزىمدى پايدالانۋعا بەرىلدى. وسى جىلدىڭ ماۋسىم ايىندا بۋراباي ۇلتتىق ساياباعى يۋنەسكو- نىڭ بيوسفەرالىق رەزەرۆاتتاردىڭ دۇنيەجۇزىلىك جەلىسىنە ەنگىزىلگەنىن اتاپ وتكەن ءجون. بۇل بۋرابايدىڭ تابيعي تۋريستىك بەدەلىن كوتەرەتىنى ءوز الدىنا، كاسىپورىننىڭ عىلىمي قىزمەتكەرلەرى ورماندى قورعاۋ مەن بيوالۋاندىقتى ارتتىرۋدىڭ الەمدىك وزىق تاجىريبەسىنە قول جەتكىزە الادى» دەپ اتاپ ءوتتى پرەزيدەنتتىڭ ءىس باسقارۋشىسى.