نۇر-سۇلتاندا جاڭا پاتەرلەر باعاسى قانشا پايىز ءوستى

2021-جىلعى ماۋسىم مەن 2022-جىلعى ماۋسىم ارالىعىندا قولدانىستاعى پاتەرلەردىڭ باعاسى - 26,8 پايىز، ال جاڭا پاتەرلەر - 19,5 پايىزعا وسكەن.

اباتتاندىرىلعان تۇرعىن ءۇيدى جالعا الۋ اقىسى 21 پايىزعا كوتەرىلگەن.

وڭىرلەر بويىنشا جاڭادان سالىنعان تۇرعىن ءۇي باعاسى نۇر-سۇلتاندا ايتارلىقتاي جوعارىلاعان - 27,9 پايىز.

قولدانىستاعى پاتەرلەر نارىعىندا باعانىڭ ەڭ جوعارى ءوسىمى قىزىلوردا قالاسىندا (46,7 پايىز)، ال جالعا الۋ قۇنى الماتى قالاسىندا (48,3 پايىز) قىمبات.

بيىلعى مامىردان ماۋسىمعا دەيىن، ياعني ءبىر ايدا جاڭا تۇرعىن ءۇي باعاسى - 1,1 پايىز، ال قايتا ساتۋ - 0,4 پايىز ءوستى.

اباتتاندىرىلعان تۇرعىن ءۇيدى جالعا الۋ اقىسى مامىرمەن سالىستىرعاندا ماۋسىمدا 1,1 پايىز تومەندەگەن.

ايتا كەتەيىك، ۇلتتىق ستاتيستيكا بيۋروسى تۇرعىن ءۇي باعاسى بويىنشا اي سايىن مونيتورينگ جۇرگىزەدى.

باعا يندەكستەرى وبلىس ورتالىقتارى مەن نۇر-سۇلتان، الماتى، شىمكەنت، سەمەي قالالارى بويىنشا ىرىكتەپ بايقاۋ دەرەكتەرى نەگىزىندە جاسالادى.