الەمدى ەنەرگەتيكالىق داعدارىس قىسپاققا الدى. ەۋروپانىڭ 12 ەلىنە رەسەي گازىنىڭ ەكسپورتى ايتارلىقتاي ازايعاننان كەيىن وداق ەلدەرى بالامالى قۋات كوزىن ىزدەي باستادى. جۋىردا ەۋروكوميسسيا باسشىسى ۋرسۋلا فون دەر ليايەن ورىس ەنەرگيا تاسىمالداۋشىلارىنا تاۋەلدى بولماۋ ءۇشىن شۇعىل جوسپار قۇرۋ كەرەك دەگەندى العا تارتتى.
ۋرسۋلا فون دەر ليايەن، ەۋروپالىق كوميسسيا باسشىسى:
-ءبىز رەسەي گازىنىڭ يمپورتى كەز كەلگەن ۋاقىتتا تولىق توقتاپ قالاتىنا دايىن بولۋىمىز كەرەك. قازىر ماسكەۋ وداققا مۇشە 27 ەلدىڭ 12-سىنە گاز جەتكىزبەيدى نەمەسە شەكتى مولشەردە ەكسپورتتايدى. پرەزيدەنت پۋتين ەنەرگيانى قارۋ رەتىندە پايدالانىپ جاتقانى تۇسىنىكتى. سوندىقتان ەۋروپالىق كوميسسيا توتەنشە جاعدايعا قامدانۋ كەرەك. ءتيىستى جوسپاردى شىلدەنىڭ ورتاسىنا دەيىن ازىرلەيدى. ارينە ءار ەلدىڭ ءوز جوسپارى بار شىعار. الايدا ەۋروپاداعى ىنتىماقتاستىقتى نىعايتقان ابزال. ءبىز ورتاق نارىقتى گازبەن قامتاماسىز ەتۋگە تالپىنامىز.
ساراپشىلاردىڭ ايتۋىنشا، گازدىڭ ورنىن تولتىرۋ ءۇشىن ەۋرووداققا كەم دەگەندە 3 جىل قاجەت. ماسەلە تولىق شەشىمىن تاپپايىنشا كارى قۇرلىقتىڭ ءبىرقاتار ەلى ۋاقىتشا كومىر قولدانۋعا بەل بۋدى. ولاردىڭ قاتارىندا 2030 -جىلعا دەيىن كومىردەن تولىقتاي باس تارتپاق بولعان گەرمانيا دا بار. بۇل ەل جاڭارتىلعان ەنەرگيا كوزىن ءوندىرىپ، ەنەرگەتيكالىق قاۋىپسىزدىگىن ارتتىرماق. نيدەرلاند بيلىگى دە گازدى ۇنەمدەۋ ءۇشىن ەلەكترستانسيالارعا كومىر قولدانۋعا رۇقسات بەردى.
گەرمانيا ولاف شولتس، گەرمانيا كانسلەرى:
- ەنەرگيا ۇزاق مەرزىمدى ءارى كەز كەلگەن ۋاقىتتا قولجەتىمدى بولۋ ءۇشىن ەنەرگەتيكالىق قاۋىپسىزدىك پەن قورشاعان ورتاعا باسا ءمان بەرۋىمىز كەرەك. بۇعان تەك جاڭارتىلعان ەنەرگيا كوزى ارقىلى قول جەتكىزەمىز. ءتيىستى جوسپار بۋندەستاگتىڭ قارالىمىندا جاتىر. وسى اپتادا پارلامەنت ناقتى شەشىم قابىلدايدى دەپ ويلايمىز.
ەنەرگەتيكالىق داعدارىس
تۇركيا ەنەرگيا تاسىمالداۋ قۇنىنىڭ شارىقتاۋىنان تۇركيا كاسىپكەرلەرى زارداپ شەكتى. كەيىنگى ءبىر جىلدا ايماقتاعى زاۋىتتارعا قاجەتتى گازدىڭ باعاسى 3 ەسەگە ارتقان. شىعىننىڭ وسۋىنەن وندىرىلگەن تاۋار نارىقتاعى باسەكەگە توتەپ بەرە الماي وتىر دەيدى ساراپشىلار.
كازيم تايادجي، Tayas Candy and Food Production Enterprise كومپانيانىڭ ديرەكتورلار كەڭەسى ءتوراعاسىنىڭ ورىنباسارى:
- ەكسپورتقا شىعاتىن كومپانيالاردىڭ جۇمىسى قيىندادى. ويتكەنى سىرتقى نارىقپەن باسەكەگە ءتۇسۋىمىز كەرەك. ال قازىرگى باعامەن قولىمىز بايلانىپ قالدى. جانارمايدىڭ قىمباتتاۋىنان قاراپايىم حالىق تا قينالدى. قازىر ەلدە ۇلتتىق ۆاليۋتا قۇنسىزدانىپ، ەكونوميكالىق داعدارىس بەلەڭ الدى. قىستا كۇنىمىزدى قالاي كورەمىز. گازدى ۇنەمدەيتىن بولساق، جاۋراپ وتىراتىن بولامىز. قازىرگى باعانى قاراپايىم حالىقتىڭ قالتاسى كوتەرمەيدى.
ەنەرگەتيكالىق داعدارىسشري- لانكا تۇرعىندارىن دا تىعىرىققا تىرەدى. سوڭعى بىرنەشە اپتا بويى ەلگە جانارمايدىڭ جاڭا پارتياسى جەتكىزىلمەي جاتىر. بەنزين مەن ديزەلدى وتىن تاۋسىلعاندىقتان ەلدە مەكتەپتەر جۇمىسىن توقتاتتى. ال مەملەكەتتىك قىزمەتكەرلەر قاشىقتان جۇمىس ىستەۋگە ءماجبۇر. جانارماي تاپشىلىعىنان حالىق اۆتوكولىكتەرىن تاستاپ، بەلەسەپەتكە وتىرۋدى ءجون كوردى. سالدارىنان ەكولوگيالىق تازا كولىكتىڭ قۇنى كۇرت اسپانداپ بارادى. بۇعان قاراماستان وعان دەگەن سۇرانىس كۇننەن كۇنگە جوعارى.
ەۋرووداقتا گاز بەن اتوم ەكولوگيالىق تازا ەنەرگيا كوزدەرى دەپ تانىلدى. ەۋروپارلامەنت دەپۋتاتتارىنىڭ كوبى ءتيىستى ۇسىنىستى قولداپ، داۋىس بەردى. ەندى ونى ەۋروپالىق وداق كەڭەسى ماقۇلداۋى ءتيىس. الايدا ول شەشىمگە قوعامدىق جانە ەكولوگيالىق ۇيىمدار قارسى شىعىپ وتىر. ايتۋلارىنشا، بۇل تۇرىمەن وداق 2050 -جىلعا دەيىن كومىرتەكتەن تولىقتاي باس تارتۋ جوسپارىنان كەشىگۋى مۇمكىن.
www.24.kz