قازاقستان مۇنايى كاسپي قۇبىر كونسورتسيۋمى ارقىلى شتاتتىق رەجيمدە ەكسپورتتالىپ جاتىر

نۇر- سۇلتان. قازاقپارات - قازاقستان مۇنايى كاسپي قۇبىر كونسورتسيۋمىنىڭ قۇبىر جەلىسى ارقىلى شتاتتىق رەجيمدە ەكسپورتتالىپ جاتىر.

بۇل جايىندا ق ر ەنەرگەتيكا مينيسترلىگىنەن ءمالىم ەتتى، دەپ حابارلايدى قازاقپارات ءتىلشىسى.

«كاسپي قۇبىر كونسورتسيۋمى» اكسيونەرلىك قوعامى («ك ق ك- ر» ا ق) بۇعان دەيىن حابارلاعانداي، نوۆوروسسييسك قالاسى پريمورسك اۋداندىق سوتى سۋدياسىنىڭ 2022 -جىلعى 5 - شىلدەدەگى قاۋلىسىمەن «ك ق ك- ر» ا ق قىزمەتىن 30 تاۋلىككە اكىمشىلىك توقتاتا تۇرۋ تۇرىندەگى جازا تاعايىندالدى. وندىرىستىك پروتسەستىڭ ۇزدىكسىز سيكلىن ەسكەرە وتىرىپ، «ك ق ك- ر» ا ق سۋديا قاۋلىسىنىڭ ورىندالۋىن توقتاتا تۇرۋ تۋرالى وتىنىشحاتپەن سوتقا جۇگىندى»، - دەپ اتاپ وتەدى ۆەدومستۆودان.

تاراتىلعان اقپاراتقا قاراعاندا، كونسورتسيۋم قازىردىڭ وزىندە روسترانسنادزوردىڭ ۇيعارىمىندا كورسەتىلگەن قۇجاتتىق بۇزۋشىلىقتاردى جويۋ ءۇشىن رەسەي فەدەراتسياسىنىڭ ءتيىستى مەملەكەتتىك ورگاندارىمەن جانە ۆەدومستۆولارىمەن جۇمىس ىستەپ جاتىر.

«قازىرگى ۋاقىتتا قازاقستاندىق مۇنايدى «ك ق ك- ر» ا ق قۇبىر جۇيەسى ارقىلى ەكسپورتتاۋ شتاتتىق رەجيمدە جۇزەگە اسىپ جاتىر»، - دەدى مينيسترلىكتەن.

اۆتور: مارلان جيەمباي