كينوتەاترلار جاسوسپىرىمدەردىڭ كەسىرىنەن شىعىنعا ۇشىراپ جاتىر
بۇعان TikTok جانە ونداعى #gentleminions حەشتەگىمەن شىققان جاڭا ترەند سەبەپ بولىپ وتىر، دەپ حابارلايدى قازاقپارات BBC News-كە سىلتەمە جاساپ.
دجەنتلمينيوندار - جاسوسپىرىمدەر كينوتەاترعا كلاسسيكالىق كوستيۋم كيىپ جانە قولدارىن باستى كەيىپكەر فەلونيۋس گريۋ سياقتى ۇستاپ كەلەدى. سودان كەيىن شۋلاپ، سەانس كەزىندە ءتۇرلى زاتتاردى لاقتىرا باستايدى. وسى سيۋجەتپەن تۇسىرىلگەن روليكتەردى ميلليونداعان جاسوسپىرىم كورىپ، كوبى قايتالاۋعا كىرىسكەن. ال، كينوتەاترلاردىڭ كوپشىلىگى جاسوسپىرىمدەردىڭ وسى ارەكەتىنىڭ كەسىرىنەن شىعىنعا ۇشىراپ جاتىر. ويتكەنى، ولار سەانستىڭ ۇزىلۋىنە بايلانىستى فيلمدى كورە الماعاندارعا اقشالارىن قايتارىپ بەرۋگە ءماجبۇر. ەندى ولاردىڭ ءبىرقاتارى كوستيۋم كيگەن جاسوسپىرىمدەردىڭ زالعا كىرۋىنە تىيىم سالدى. ءتىپتى، گەرنسي ارالىنداعى جالعىز كينوتەاتر اراعا بەس جىل سالىپ شىققان كىشكەنتاي سارى ادامدار تۋرالى جاڭا فيلمدى ارى قاراي كورسەتۋدەن مۇلدەم باس تارتقان.
فوتو: gettyimages.com