قىتاي قىمباتشىلىققا دايىندالىپ جاتىر

نۇر-سۇلتان. قازاقپارات - قىتاي مۇنايدىڭ باعاسى وسەدى دەپ دايىندالىپ جاتىر.

قىتاي بيلىگى ەلدىڭ مۇناي وڭدەۋ كاسىپورىندارىن سۋبسيديالايدى. ەگەر مۇنايدىڭ الەمدىك باعاسى باررەلىنە 130 دوللاردان اساتىن بولسا، ىشكى نارىقتاعى جانارماي باعاسىنىڭ ءوسۋىن ەكى ايعا توقتاتا تۇرادى.

ساراپشىلاردىڭ سوزىنشە، بۇل مەحانيزم ەل ەكونوميكاسىنا تۇراقتىلىققا كەپىلدىك بەرەدى. «بەلدەۋ جانە جول» باستاماسىمەن ينۆەستيتسيالىق كەڭەس قۇرىلدى. ول كونسۋلتاتسيالىق كوميتەت رەتىندە جۇمىس اتقارادى. BRI ينۆەستيتسيالىق كەڭەسىنىڭ ميسسياسى قازاقستان ەكونوميكاسىنىڭ دامۋىنا قولداۋ كورسەتۋ، جەدەلدەتۋ جانە ءارتاراپتاندىرۋ.

مۇنى «استانا» حالىقارالىق قارجى ورتالىعى حابارلادى. قازىردىڭ وزىندە بىرنەشە ۇيىم كەڭەسكە كىرۋگە نيەت بىلدىرگەن. ولار احقو، شانحاي قور بيرجاسى، جىبەك جولى قورى، قىتاي حالىقارالىق كاپيتال كورپوراتسياسى، سامۇرىق-قازىنا ينۆەست جانە باسقالارى. قارجى ورتالىعىنىڭ باسقارۋشىسى ديرەكتورى قايرات كەلىمبەتوۆتىڭ ايتۋىنشا: «قازاقستان مەن قىتاي اراسىنداعى قارجىلىق جانە ينۆەستيتسيالىق ىنتىماقتاستىق قازاقستاننىڭ ونەركاسىپتىك سەكتورلارى مەن قىتايدىڭ ينۆەستيتسيالىق جانە قارجى سەكتورلارى اراسىنداعى ءوزارا تۇسىنىستىككە، ءتيىمدى بايلانىستارعا جانە اقپارات الماسۋعا ىقپال ەتۋدى جالعاستىرىپ، ءوزىنىڭ زور الەۋەتىن ساقتاپ وتىر».

جاڭا جوبالار قولعا الىندى

Astana Finance Days 2022 فورۋمى اياسىندا قارجىلىق سەكتورداعى جاڭالىقتار كوپ بولدى. نارىق قاتىسۋشىلارىنا جاڭا ينۆەستيتسيالىق قورلار تانىستىرىلدى. سونىڭ ىشىندە دۇنيەجۇزىندەگى ءىرى ينتەگراتسيالانعان ەنەرگەتيكالىق كومپانيالاردىڭ ءبىرى «شەۆرون» ءوزىنىڭ ۇيىمدارىن پاش ەتتى. ەنەرگەتيكا مينيسترلىگى مەن وسى كومپانيا اراسىندا 248 ميلليون دوللار كاپيتالى بار ينۆەستيتسيالىق قور قۇرۋ تۋرالى مەموراندۋم جاسالدى. ەندى ول ءتۇرلى سالاداعى جوبالاردى قارجىلاندىرۋ ماسەلەسىن قاراستىرىپ جاتىر. جەكە كومپانيا قوردىڭ تىكەلەي ينفۆەستيتسيا پرينتسيپىمەن جۇمىس ىستەيدى. ول استانا حالىقارالىق قارجى ورتالىعىندا تىركەلگەن.

«قور ءبىرىنشى كەزەكتە مۇناي گاز سالاسىنا ينۆەستيتسيا قۇيادى. ەكىنشى - قورشاعان ورتانى قورعاۋ جوبالارى، IT جانە سيفرلاندىرۋعا ارنالعان جوبالار. الايدا قازىر ەكونوميكانى ءارتاراپتاندىرۋ كەرەك دەگەن پىكىرلەر بار. ءبىز ونىمەن تولىق كەلىسەمىز جانە قازاقستان يندۋسترياسىنىڭ باسقا سالالارىنداعى جوبالاردى قارجىلاندىرۋعا دايىنبىز»، دەيدى ينۆەستيتسيالىق مەنەدجەر جانار گەليموۆا.

حالىق كومىرتەگى كوپ تاعامداردى تۇتىنادى

بىلتىر ەل ازاماتتارى كۇنىنە قۇنارلىعى 3 مىڭ كالوريا تاماق تۇتىنعان. بۇل الدىڭعى جىلعا قاراعاندا %9 كە تومەن. ءۇي شارۋاشىلىقتارىن ىرىكتەپ زەرتتەۋ دەرەكتەرى بويىنشا اۋىل حالقى قۇنارلى ازىق- تۇلىك تۇتىنادى. ورتا ەسەپپەن كۇنىنە 3200 ككال، ال قالالىق جەردە 3000 ككال. ەلىمىزدىڭ بارلىق وڭىرلەرىندە حالىق تۇتىنعان تاماق ونىمدەرىنىڭ ناقتى ەنەرگەتيكالىق قۇندىلىعى قاجەت مولشەردەن اساتىنىن اتاپ وتكەن ءجون. وسىلايشا، پاۆلودار، الماتى وبلىستارىندا حالىق قۇنارلى تاماق جەيدى. وندا ءبىر كۇندىك كورسەتكىش جان باسىنا شاققاندا 3400 كاللوريادان اسادى. ال شىمكەنت جانە نۇر- سۇلتان قالالارىنىڭ تۇرعىندارى كالورياسى از تاعامداردى تۇتىناتىنى انىقتالدى. ەكى جارىم مىڭ ككال- دان اسادى. حالىق تۇتىنعان تاماق ونىمدەرىنىڭ قۇرامىنا كەلسەك، وندا كومىرسۋلاردىڭ ۇلەسى باسىم S. ال تاۋلىگىنە تۇتىنىلعان تاماقتاعى مايلاردىڭ ۇلەسى 3، اقۋىزداردىكى  دەپ حابارلايدى naryk.kz.

وپەك+ قانداي شەشىم قابىلدايدى؟

وپەك+ جاقىن ارادا مۇناي ءوندىرىسى كولەمىن ارتتىرۋى ەكىتالاي. مۇنى وپەك+ وتىرىسىنىڭ ارالىق ناتيجەلەرىن جاريالان Reuters اگەنتتىگى جازدى. ماۋسىمنىڭ باسىنداعى كەزدەسۋدە وپەك+ ءۇش اي سايىنعى ءوندىرىستى تاۋلىگىنە 648 مىڭ باررەلگە ۇلعايتامىز دەپ شەشكەن. بۇل شىلدە مەن تامىز ايلارىنا قاتىستى ايتىلدى. بۇعان دەيىن كارتەل قارا التىن كولەمى ءوندىرىسىن 432 مىڭ باررەلگە ۇلعايتامىز دەگەن ەدى.

«فرانسيا پرەزيدەنتى ەمانۋەل ماكرون ايتقانداي ب ا ءا مەن ساۋد ارابياسىنىڭ مۇناي ءوندىرىسى شەكتەۋلى مە الدە وپەك+ مۇشەلەرى تاعى ءبىر رەت تاۋەكەلگە بارعىسى كەلمەي مە بەلگىسىز. ءبىراق وپەك+ قالىپتاسقان جاعدايدان پايدا كورەدى جانە ونىڭ ارەكەتتەرى نارىقتى تۇراقتاندىرادى»، - دەيدى ساراپشىلار.