ۇلتتىق وليمپيادا كوميتەتىنىڭ مالىمەتىنە سايكەس، كوپسايىستا ايبوتا ەرتاي قىزى 4- بولدى. ال ەلجان تانيەۆا 7- ناتيجە كورسەتتى. جەكەلەي بىرىنشىلىكتە ەلجان تانيەۆا لەنتامەن جاتتىعۋ كورسەتۋدە ۇزدىك شىعىپ، التىن مەدال جەڭىپ الدى. سونداي- اق ول ۇرشىقپەن جاتتىعۋدىڭ فينالىندا كۇمىس جۇلدەگەر بولدى.
ايتا كەتەيىك، وسىدان ءبىر كۇن بۇرىن قازاقستان كومانداسى توپپەن جاتتىعۋ جاساۋدا التىن مەدال يەلەنگەن ەدى. سپورتشى قىزدارىمىز شەڭبەرمەن ونەر كورسەتۋدە 30 بالل الىپ، توپ جاردى. كوركەم گيناستيكانىڭ بۇل تۇرىندە «كۇمىس» وزبەكستانعا، «قولا» جاپونياعا بۇيىردى.
اۆتور: ميرا تولەندى قىزى