«20- ماۋسىم كۇنى ساعات 15.03-تە 101 پۋلتىنە ەسىل اۋدانىنداعى قورعالجىن تاسجولىنىڭ بويىندا قۋراعان ءشوپتىڭ ورتەنىپ جاتقانى تۋرالى حابارلاما كەلىپ ءتۇستى. وقيعا ورنىنا جەتكەن ءورت سوندىرۋشىلەر اشىق اۋماقتا قامىس پەن قۋراعان ءشوپ جانىپ جاتقانىن انىقتادى. ەلوردالىق ءورت سوندىرۋشىلەر قىزىل جالىنمەن ەكى تاۋلىك بويى ارپالىستى. ءورت وشاعىنا ت ج م- ءنىڭ مي-8 تىكۇشاعى 27 رەت سۋ توكتى (81 توننا). كەشە ساعات 18.53-تە ءورت وقشاۋلاندىرىلىپ، بۇگىن ساعات 05.55-تە تولىعىمەن جويىلدى. ءورتتىڭ شىعۋىنىڭ الدىن الا سەبەبى وتتى ابايسىز قولدانۋ بولۋى مۇمكىن. جالىنمەن كۇرەسكە 86 قىزمەتكەر مەن 14 تەحنيكا جۇمىلدىرىلدى. قازا بولعاندار مەن زارداپ شەككەندەر جوق»، - دەلىنگەن ق ر ت ج م مالىمەتىندە.
ەكى كۇن بۇرىن قورعالجىن تاسجولىنىڭ بويىندا دالا ءورتى تۇتانعانىن جازعان بولاتىنبىز. كەشە «قازاۆياقۇتقارۋ» ا ق- نىڭ مي-8 ۇشاعى كومەككە جىبەرىلدى.