قاتار بيلىگى قازاقستانمەن اۆياتسيا جانە تۋريزم سالاسىنداعى ىنتىماقتاستىققا مۇددەلى
ق ر ۇلتتىق ەكونوميكا مينيسترلىگى باسپا ءسوز قىزمەتىنىڭ حابارلاۋىنشا، تاراپتار ەكونوميكانى ءارتاراپتاندىرۋ، الەمدىك نارىقتاعى قازىرگى جاعدايدا كولىك- لوگيستيكا سالاسىن دامىتۋ بويىنشا ەكىجاقتى ءوزارا ءىس- قيمىلدىڭ كەڭ اۋقىمدى ماسەلەلەرىن قوزعادى، سونداي- اق جوعارى دەڭگەيدەگى قازاقستان- قاتار بىرلەسكەن كوميسسياسى شەڭبەرىندە ساۋدا- ەكونوميكالىق، ينۆەستيتسيالىق جانە مادەني- گۋمانيتارلىق سالالاردا قول جەتكىزىلگەن ۋاعدالاستىقتاردى ىسكە اسىرۋ ماسەلەلەرىن تالقىلادى.
2020 -جىلدىڭ اقپان ايىندا وتكەن كوميسسيانىڭ سوڭعى وتىرىسىندا ءبىرقاتار كەلىسىمدەرگە قول جەتكىزىلدى. اتاپ ايتقاندا، قاتار ينۆەستيتسيالىق قورىنىڭ، اراب ەلىنىڭ مەملەكەتتىك جانە جەكە كومپانيالارىنىڭ قازاقستانعا ينۆەستيتسيا سالۋ، ونىڭ ىشىندە ق ر جەكەشەلەندىرۋ باعدارلاماسىنا قاتىسۋ. اۋىل شارۋاشىلىعى ونىمدەرىنىڭ ەكسپورتىنا/يمپورتىنا بايلانىستى پروبلەمالىق ماسەلەلەردى شەشۋ ءۇشىن جۇمىس توبىن قۇرۋ.
قاتار بيلىگى اۆياتسيا جانە تۋريزم سالاسىنداعى ىنتىماقتاستىققا دا مۇددەلى. كەزدەسۋ قورىتىندىسى بويىنشا تاراپتار ساۋدا- ەكونوميكالىق بايلانىستاردى ودان ءارى دامىتۋ قاجەتتىلىگىن اتاپ ءوتتى. سونىمەن قاتار، ق ر ۇ ە م باسشىسى Qatar Investment Authority - قاتار ينۆەستيتسيالىق قورىنىڭ وڭىرلىك باسقارۋشىسى شەيح فايسال تاني ءال تانيمەن كەزدەسۋ وتكىزدى.
كەزدەسۋ بارىسىندا ينۆەستيتسيالىق ىنتىماقتاستىق، سونداي- اق ىسكەرلىك بايلانىستاردى جانداندىرۋ ماسەلەلەرى تالقىلاندى. ءا. قۋانتىروۆ اتاپ وتكەندەي، قازاقستان شەتەلدىك ينۆەستورلار ءۇشىن ءاردايىم اشىق. ءبىزدىڭ ەلىمىز بولاشاقتا دا سەرىكتەستەر الدىنداعى ءوز مىندەتتەمەلەرى مەن كەپىلدىكتەرىن تولىق كولەمدە ورىندايتىن بولادى. ءوز كەزەگىندە شەيح فايسال تاني ءال تاني قازاقستاننىڭ ينۆەستيتسيالىق جوبالارىنا قىزىعۋشىلىق تانىتتى.