ۇلتتىق قۇرىلتاي يدەيالار ۇسىناتىن الاڭ بولماق - ەرلان قارين
بۇل تۋرالى مەملەكەتتىك كەڭەسشى ەرلان قارين youtube كانالىندا ايتتى، دەپ حابارلايدى قازاقپارات.
«ۇلتتىق قۇرىلتاي قوعامدى ودان ءارى ۇيىستىرۋ جولىندا يدەيالار ۇسىنۋعا جانە ونى جۇزەگە اسىرۋعا باعىتتالعان ديالوگ الاڭى بولماق. ونىڭ قۇرامىندا 117 ادام بار. قۇرىلتايعا پارلامەنت دەپۋتاتتارى، ساياسي پارتيالاردىڭ، قوعامدىق كەڭەستەردىڭ، كاسىپكەرلەر، ءبىلىم، مەديتسينا، مادەنيەت، ادام قۇقىقتارىن قورعاۋ سالاسىنىڭ وكىلدەرى مەن بەلسەندى جاستار مۇشە بولدى. ۇلتتىق قۇرىلتايدىڭ باستى ەرەكشەلىگى - وعان ءار وڭىردەگى قوعامدىق كەڭەستەردەن ءبىر وكىل مۇشە بولىپ كىردى. وسىلايشا اتالعان ديالوگ الاڭى بارلىق قوعامدىق كەڭەستەردىڭ ءتۇيىنى بولىپ وتىر»، - دەدى مەملەكەتتىك كەڭەسشى.
ەسكە سالا كەتەيىك، ۇلىتاۋدا وتكەن قۇرىلتايدىڭ العاشقى وتىرىسىندا مەملەكەت باسشىسى ۇلتتىق قۇرىلتايدا حالىقتىڭ ءۇنى شىن مانىندە ەستىلۋى ءتيىس دەگەن ەدى.