بريتانيا بارلاۋشىلارى مۇنى سيەۆەرودونەتسكتەگى ۇزاققا سوزىلعان اۋىر شايقاسپەن بايلانىستىرادى.
«كەيىنگى اپتالاردا ۋكراينا جاۋىنگەرلەرى اراسىندا دەزەرتيرلىك جاعدايلار بولدى. ال رەسەي جاۋىنگەرلەرىنىڭ بۇكىل ءبىر بولىمشەسى قاقتىعىسقا قاتىسۋدان باس تارتقان» دەيدى بريتانيا تارابى.
بۇعان قوسا، حابارلامادا رەسەي اسكەرىندە كومانديرلەر مەن سولداتتار اراسىندا جانجال جيىلەپ، كەيدە قارۋ قولدانۋعا دەيىن باراتىنى دا ايتىلعان.
ۇلى بريتانيا بارلاۋشىلارى رەسەي جاۋىنگەرلەرى اراسىنداعى كيكىلجىڭگە باسشىلىقتىڭ ساپاسىزدىعى، بولىمشەلەردى اۋىستىرۋدىڭ السىزدىگى، كوپ ادام شىعىنى مەن لوگيستيكانىڭ ناشارلىعى سەبەپ دەيدى.
«كوپتەگەن جاۋىنگەرلەرگە رەسەي بيلىگىنىڭ ماقساتى مەن تاپسىرماسى دا تۇسىنىكسىز» دەيدى بريتانيا قورعانىس مينيسترلىگى.
كوكتەمدە كيەۆتى الا الماعان رەسەي قارۋلى كۇشتەرىن ۋكراينانىڭ شىعىسىنا جىبەرىپ، قازىر لۋگانسك پەن دونەتسك وبلىستارىن باسىپ الۋعا كوشكەن. ەكى تاراپ بىرنەشە اپتادان بەرى سيەۆەرودونەتسك قالاسى ءۇشىن شايقاسىپ جاتىر.
ناتو مەن كيەۆ ۋكراينداعى سوعىس «جىلدارعا سوزىلۋى مۇمكىن» دەپ ەسكەرتەدى.
www.azattyq.org