«مۇمكىن بۇل قيسىنسىزداۋ دا بولار، دەگەنمەن، وسى مىنبەردى پايدالانىپ، ءبىرقاتار رەسەيلىك دەپۋتاتتىڭ قازاقستانعا قاتىستى مۇلدەم قيسىنسىز ايتقان، ناقتى ەمەس پىكىرلەرىنە نارازىلىعىمدى بىلدىرگىم كەلەدى. جۋرناليستەر، ءتىپتى مادەنيەت قايراتكەرلەرى بار. بۇگىن كرەملدىڭ جوعارعى باسشىلىعىنىڭ تۇپتەپ كەلگەندە وزگە مەملەكەتتەرگە، اسىرەسە مەنىڭ ەلىم قازاقستانعا قاتىستى ۇستانىمىن جەتكىلىكتى تۇردە بىلدىرگەن ۆلاديمير پۋتينگە ريزاشىلىعىمدى بىلدىرەمىن. شىندىعىندا، بىزدە ءتۇرلى ءادىس- تاسىلدەرمەن كوپىرتىپ ايتۋعا بولاتىنداي ەشقانداي ماسەلە جوق»، - دەپ اتاپ ءوتتى قازاقستان پرەزيدەنتى سانكت- پەتەربۋرگ حالىقارالىق ەكونوميكالىق فورۋمىندا.
مەملەكەت باسشىسىنىڭ پايىمىنشا، بارلىق الاۋىزدىق ەكى ەلدىڭ حالىقتارى اراسىنا جانە رەسەي فەدەراتسياسىنىڭ وزىنە زيانىن تيگىزەدى.
«وسىناۋ پىكىرلەردىڭ بارلىعى مەن ءۇشىن تۇسىنىكسىز. كىمنىڭ ديىرمەنىنە سۋ قۇيىپ ءجۇر دەمەكشى، اتالعان قايراتكەرلەر قانداي دا ءبىرتۇرلى ادىستەرمەن قازاقستان باسشىلىعىنىڭ شەشىمى بولسىن، نەمەسە ەلىمىزدە ورىن الىپ جاتقان وقيعالارعا بولسىن پىكىر بىلدىرەدى»، - دەدى قاسىم- جومارت توقايەۆ.
اۆتور: مارلان جيەمباي