بۇل تۋرالى ق ر سىرتقى ىستەر مينيسترلىگىنىڭ رەسمي سايتىندا ءمالىم ەتىلدى، دەپ حابارلايدى قازاقپارات.
اقتاۋ تەڭىز ساۋدا پورتى «پورتتاردىڭ ەكولوگيالىق ساراپتاما جۇيەلەرى» سەرتيفيكاتىن جانە تەڭىز پورتتارىنىڭ ەۋروپالىق ۇيىمىنىڭ «ەكوپورت» مارتەبەسىن يەلەنگەن قازاقستانداعى العاشقى پورت بولدى.
سەرتيفيكاتتاۋ ە ق ى ۇ- نىڭ پورتتار مەن پورت تەرمينالدارىنداعى ەكولوگيالىق مەنەدجمەنتتىڭ حالىقارالىق تانىلعان ستاندارتى - «ecoPorts» جوباسى شەڭبەرىندە جۇرگىزىلگەن.
2019-جىلى باستالعان ە ق ى ۇ- نىڭ بۇل جوباسى تەڭىز جانە ترانسكونتينەنتالدىق جۇك تاسىمالدارىنىڭ ينفراقۇرىلىمىن دامىتۋعا، سيفرلاندىرۋدى ەنگىزۋ ارقىلى كەدەندىك راسىمدەردى وڭايلاتۋعا، وتاندىق مامانداردى دايارلاۋ مەن وقىتۋعا باعىتتالعان. ءمالىم ەتىلگەندەي، اتالعان سەرتيفيكات ەۋروپالىق پورتتارمەن ءوزارا قارىم-قاتىناستى كەڭەيتۋگە مۇمكىندىك بەرەدى جانە پورتتاردىڭ قورشاعان ورتاعا تەرىس اسەرىن ازايتۋعا، سونداي-اق كاسپي وڭىرىندەگى ەكولوگيالىق جاعدايدى جاقسارتۋعا ىنتالاندىرادى.
«ەندىگى كەزەكتە جاسىل سەرتيفيكاتتاۋدان ءوتۋ بويىنشا ءتيىستى جۇمىستار قۇرىق پورتىندا دا جۇرگىزىلۋدە. ساۋدا جولدارى مەن جەتكىزۋ تىزبەكتەرىنىڭ حالىقارالىق ساياسي-ەكونوميكالىق جاعدايعا بەيىمدەلۋى اياسىندا بيىل قازاقستاندىق پورتتاردىڭ قىزمەتتەرىنە سۇرانىس كۇرت ءوستى»، - دەلىنگەن سءى ءى م حابارلاماسىندا.
ماسەلەن، اقتاۋ پورتىندا 2022-جىلدىڭ بەس ايىندا جۇكتەردى اۋىستىرىپ تيەۋ كولەمى 2021-جىلدىڭ تۇتاس كورسەتكىشىن قازىردىڭ وزىندە 97 پايىزعا ورىنداعان (2022-جىلعى 5 ايدا 1534 مىڭ توننا، ال 2022-جىل باستالعالى 1594 مىڭ توننا)، ال كونتەينەرلەردى اۋىستىرىپ تيەۋ كورسەتكىشى قازىردىڭ وزىندە بىلتىرمەن سالىستىرعاندا 5 (16267 ج ف ە) ءوستى.
قۇرىق پورتىندا 2022-جىلدىڭ باسىنان باستاپ جۇكتەردى اۋىستىرىپ تيەۋ كولەمى 2021-جىلدىڭ تۇتاس كولەمىنىڭ p اسقان (2022-جىلدىڭ بەس ايىندا 700 مىڭنان استام، ال 2021-جىلى 1 ميلليون توننا).
تەرمينال قىزمەتتەرىنە سۇرانىستىڭ ءوسۋىن ەسكەرە وتىرىپ، قازىرگى ۋاقىتتا اقتاۋ پورتى ورتالىق ازيا وڭىرىندەگى كولىك اعىندارىن ترانسفورماتسيالاۋعا ارنالعان كونتەينەرلىك حاب قۇرىپ جاتىر.
سونداي-اق اقتاۋ-باكۋ-اقتاۋ باعىتىنداعى قازىرگى 5 فيدەرلىك كەمەگە جىل سوڭىنا دەيىن ەكى قوسىمشا مامانداندىرىلعان كونتەينەر تاسىعىشتى تارتۋ جوسپارلانۋدا.
سونىمەن قاتار بريۋسسەلدە وتكەن ءىس-شارا اياسىندا قازاقستاندىق پورتتار قىزمەتكەرلەرىنىڭ بەلگيانىڭ انتۆەرپەن پورتى جانىنداعى ينفراقۇرىلىمدى باسقارۋ بويىنشا وقۋ كۋرستارىنا جىبەرۋ مۇمكىندىگى تالقىلاندى.
ءبىر كۇن بۇرىن، تحكب، تراسەكا جانە قازاقستان پورتتارى باسشىلارىنىڭ دەلەگاتسياسى انتۆەرپەن پورتىنا تەحنيكالىق ساپارمەن بارعان.
بۇل بەلگيالىق حاب الەمدەگى ەڭ ءىرى 20 پورتتىڭ قاتارىنا كىرەدى جانە نيدەرلاندتاعى روتتەردام پورتىنان كەيىن ەۋرووداقتاعى ەكىنشى ءىرى پورت بولىپ سانالادى.