باسقوسۋعا رۋمىنيا پرەزيدەنتى دە قوسىلدى. بۇل - وسى ەل باسشىلارىنىڭ قارۋلى قاقتىعىس باستالعالى ۋكرايناعا العاشقى ساپارى. كەزدەسۋ بارىسىندا تاراپتار ۋكراينانىڭ ەۋرووداققا مۇشە بولۋ ماسەلەسىن تالقىلادى. بۇگىن ەۋروكوميسسيا كيەۆتىڭ وتىنىشىنە قاتىستى قورىتىندىسىن جاريالاۋى كەرەك. كيەۆكە قارۋ- جاراق جەتكىزۋ، ەكونوميكالىق كومەك جانە سوعىستان كەيىن ەلدى قالپىنا كەلتىرۋ جاعدايى دا ءسوز ەتىلدى.
ەممانۋەل ماكرون، فرانسيا پرەزيدەنتى:
- وسىندا جينالعان 4 ەلدىڭ وكىلى ۋكرايناعا ەۋرووداققا مۇشە بولۋعا كانديدات ەل مارتەبەسىن جىلدام بەرۋدى قولدايدى. ءبىز بۇل شەشىمدى ەۋروپالىق كەڭەس ءبىراۋىزدان قولدايدى دەپ ۇمىتتەنەمىز. ۋكراينا ەۋروپالىق وتباسىنىڭ ءبىر بولىگى ەكەنىن راستاعىمىز كەلەدى.
رەسەي د س ۇ- مەن ىنتىماقتاستىقتى جالعاستىرا بەرۋگە نيەتتى
ال ماسكەۋ دۇنيەجۇزىلىك ساۋدا ۇيىمىنان شىقپاي، ۇيىمعا مۇشە ەللدەردىڭ بارلىعىمەن قارىم- قاتىناستى جالعاستىرا بەرۋگە نيەتتى ەكەنىن ءبىلدىردى. بۇل تۋرالى سانكت- پەتەربۋرگتەگى ەكونوميكالىق فورۋم اياسىندا ايتىلدى.
رەسەي ەكونوميكا ءمينيسترى ماكسيم رەشەتنيكوۆ دۇنيەجۇزىلىك ساۋدا ۇيىمى كەي كەمشىلىكتەرگە قاراماستان، الەمدە تەڭ دارەجەدە ساۋدا جۇرگىزۋگە مۇمكىندىك بەرەتىن جالعىز قۇرىلىم ەكەنىن ايتادى.
ماكسيم رەشەتنيكوۆ، رەسەي فەدەراتسياسىنىڭ ەكونوميكالىق دامۋ ءمينيسترى:
- ءبىز بارلىق ەلمەن ىنتىماقتاستىقتى جالعاستىرۋعا دايىنبىز. ءبىراق رەسەيگە قارسى سالىنعان سانكسيالار دۇنيەجۇزىلىك ساۋدا ۇيىمىنىڭ ەرەجەلەرىنە قايشى كەلەدى. سوندىقتان ۇلتتىق مۇددەمىزدى قورعاۋ ءۇشىن ءتيىستى شارالار قابىلدايمىز. ءبىراق ءبىز ءاردايىم ارىپتەستىككە دايىنبىز.
www.24.kz