«ءبىز «ءتۇرلى كوزقاراس، ءبىرتۇتاس ۇلت» قاعيداتىن بەرىك ۇستانۋىمىز قاجەت. ءبىر- ءبىرىمىزدىڭ وي-پىكىرىمىزدى تىڭداپ، قۇرمەتتەي بىلسەك، العا قادام باسامىز»، - دەدى قاسىم-جومارت توقايەۆ.
مەملەكەت باسشىسىنىڭ پايىمىنشا، دەموكراتيالىق رەفورما جاسايمىز دەپ، مەملەكەتتى السىرەتۋگە ەش جول بەرۋگە بولمايدى.
«زاڭ مەن ءتارتىپ - ىشكى تۇراقتىلىقتىڭ بىردەن-ءبىر كەپىلى. ونسىز قوعامنىڭ دامۋى مۇمكىن ەمەس. سوندىقتان، بۇل قاعيدا ءبىزدىڭ ەڭ باستى باعدارىمىز بولۋعا ءتيىس.
جالپى، وتباسىن اسىراۋ ءۇشىن تاباندى ەڭبەك ەتىپ جۇرگەن، زاڭعا باعىناتىن ادامدار قۇرمەتكە يە بولۋى كەرەك. وكىنىشكە قاراي، بىزدە كوشە بۇزاقىلارى، جاۋاپكەرشىلىكتەن جۇرداي بلوگەرلەر جانە ماسىلدىق پيعىلمەن ايقاي شىعاراتىن ادامدار بۇگىنگى كۇننىڭ باتىرىنا اينالدى. دەپۋتاتتار مەن اتقارۋشى بيلىك وكىلدەرى سولارعا عانا باسا ءمان بەرەتىن بولدى. ءتۇرلى دەڭگەيدەگى شەنەۋنىكتەر سولاردىڭ عانا تالابىن ورىنداۋعا جۇگىرەدى»، - دەدى پرەزيدەنت.
سونداي-اق، مەملەكەت باسشىسى ورتالىقتاعى جانە ايماقتارداعى بيلىك بارلىق ازاماتتىڭ مۇڭ-مۇقتاجىنا بىردەي قاراۋعا ءتيىس ەكەنىن ەسكەرتتى.
«حالىق ۇنىنە قۇلاق اساتىن مەملەكەتتىڭ» كومەگىنە سەنىپ وتىرعان، زاڭعا باعىناتىن قاراپايىم جۇرت نازاردان تىس قالماۋى كەرەك»، - دەدى قاسىم-جومارت توقايەۆ.
ايتا كەتەيىك، پرەزيدەنت ۇلىتاۋ وبلىسىنا جۇمىس ساپارى اياسىندا ۇلتتىق قۇرىلتايدىڭ العاشقى وتىرىسىنا قاتىسىپ جاتىر.