قوستاناي وبلىسى بويىنشا سىبايلاس جەمقورلىققا قارسى قىزمەت «قازتەمىرترانس» ا ق قوستاناي فيليالىنىڭ ديرەكتورى وبلىس كاسىپكەرلەرىنەن جۇك ۆاگوندارىن كەدەرگىسىز جانە جەدەل بەرگەنى ءۇشىن جۇيەلى نەگىزدە پارا العانى ءۇشىن اشكەرەلەندى.
كۇدىكتىگە قاتىستى سوت «كۇزەتپەن ۇستاۋ» بۇلتارتپاۋ شاراسىن سانكتسيالادى. كۇدىكتىگە قاتىستى قورىتىندى شەشىمدى سوت قابىلدايدى. قىلمىستىق- پروتسەستىك كودەكسىنىڭ 201-بابىنا سايكەس تەرگەۋ مۇددەسىندەگى وزگە اقپارات جاريا ەتۋگە جاتپايدى.
ايتا كەتۋ كەرەك، اعىمداعى جىلدىڭ 19 -مامىرىندا پرەزيدەنت قاسىم-جومارت توقايەۆ قازاقستان كاسىپكەرلەرىمەن كەزدەسۋ وتكىزدى.
وسى كەزدەسۋدە مەملەكەت باسشىسى بيزنەستىڭ جۇمىسىنا زاڭسىز كەدەرگى جاساۋ مەملەكەت مۇددەسىنە قارسى باعىتتالعان قىلمىس رەتىندە قارالۋعا ءتيىس ەكەنىن اتاپ ءوتىپ، باسىم مىندەتتەردىڭ ءبىرى - بيزنەسكە قىسىم كورسەتۋ فاكتورلارىن انىقتاۋدىڭ نەعۇرلىم ءتيىمدى جۇيەسىن قۇرۋ ەكەنىن ايتتى.