«قازىرگى كەزدە ەلەكتر ساموكاتتارىنا ۆەلوسيپەد جولاعىمەن، قوعامدىق كولىك جولاعىمەن جۇرۋگە رۇقسات. اتاپ ايتقاندا، ساموكاتتاردىڭ جولمەن جۇرۋىنە تولىقتاي شەكتەۋ قويا المايمىز. سوندىقتان ۆەلوسيپەدتەر سياقتى جولدىڭ وڭ جاق جيەگىمەن جۇرۋگە رۇقسات بەرىلىپ وتىر. ءبىراق ءبىز ولادىڭ جاياۋ جۇرگىنشىلەر جولاعىمەن قوزعالعانىنا قارسىمىز»، - دەدى ج. مۇراتاليەۆ ەلوردادا وتكەن باسپا ءسوز ءماسليحاتىندا.
بۇدان بۇرىن حابارلانعانداي، قازاقستاندا ەلەكتر ساموكاتتاردى پايدالانۋدىڭ ۇلتتىق ستاندارتىنىڭ جوباسى ازىرلەندى.
اتالعان ستاندارت ساموكاتتاردىڭ جىلدامدىعى مەن باسقا دا قاۋىپسىزدىك تالاپتارىنا سايكەستىگىن رەتتەيدى.
وسى ورايدا بۇل قۇرىلعىلاردا مىندەتتى تۇردە جارىق شامدارىنىڭ بولۋى سياقتى تالاپتار ەسكەرىلەدى.
وسى ستاندارتتىڭ اياسىنا جىلدامدىعى ساعاتىنا 25 شاقىرىمنان اسپايتىن ەلەكتر ساموكاتتارى قامتىلادى.
جاندوس مۇراتاليەۆ جىل سايىن ەلەكتر ساموكاتتارىنا قاتىستى جول-كولىك وقيعالارىنىڭ سانى ارتىپ كەلە جاتقانىن ايتتى.