«مۇحتار شاحانوۆ اعامىزعا سالەم بەرىپ، ءبىراز وتىرىپ اڭگىمەلەسۋدىڭ رەتى ءتۇستى»، - دەپ جازدى ەرلان قارين.
مۇحتار شاحانوۆ 1984 -جىلى «جالىن» الماناعىنىڭ باس رەداكتورى بولدى. 1986 -جىلى «جالىن» جۋرنالىنىڭ باس رەداكتورى قىزمەتىنە كىرىستى.
1988 -جىلى رەسپۋبليكادا تۇڭعىش قۇرىلعان ەكولوگيالىق قوزعالىس - ارال مەن بالقاش ماسەلەسى جونىندەگى قوعامدىق كوميتەتتىڭ ءتوراعاسى بولدى.
1986 -جىلى جەلتوقسان كوتەرىلىسى كەزىندە قازاققا «ۇلتشىل» دەپ ايىپ تاققان ك و ك پ ورتالىق كوميتەتى ساياسي بيۋروسىنىڭ قاۋلىسىنا قارسى باس كوتەردى.
1988 -جىلى يسلام ءدىنىنىڭ قالدىعى دەگەن جەلەۋمەن تىيىم سالىنعان «ناۋرىز» مەرەكەسىنىڭ 62 -جىلدان كەيىن قايتا سالتانات قۇرۋىنا مۇرىندىق بولدى.
«1988 -جىلى قازاقستان كومپارتياسى ورتالىق كوميتەتىنىڭ ءبىرىنشى حاتشىسى كولبينگە «ناۋرىز« مەرەكەسىنە قاتىستى حات جازدىم. بيۋرودان مەنى ەكى-اق ادام قولداپتى، ونىڭ ءبىرى - سول كەزدە مينيسترلەر كەڭەسىنىڭ ءتوراعاسى نۇرسۇلتان نازاربايەۆ، ەكىنشىسى - قازاقستان كومپارتياسى ورتالىق كوميتەتىنىڭ يدەولوگيالىق حاتشىسى وزبەكالى جانىبەكوۆ»، - دەيدى اقىن.
1989 -جىلى ك س ر و جوعارعى كەڭەسىنىڭ، ال 1991 -جىلى قازاقستان جوعارعى كەڭەسىنىڭ دەپۋتاتى بولدى.
1992 -جىلى ولجاس سۇلەيمەنوۆپەن بىرلەسىپ، «حالىق كونگرەسى» پارتياسىن قۇردى.
1993-2003 -جىلدار ارالىعىندا قازاقستان رەسپۋبليكاسىنىڭ قىرعىز رەسپۋبليكاسىنداعى توتەنشە جانە وكىلەتتى ەلشىسى قىزمەتىن اتقاردى.
2004-2007 -جىلدارى ق ر پارلامەنتى ءماجىلىسىنىڭ دەپۋتاتى بولدى.
2010 -جىلدان «تاۋەلسىزدىكتى قورعاۋ» اتتى 50-دەن استام قوعامدىق ۇيىمنىڭ، پارتيا، باسپا ءسوز ورىندارىنىڭ باسىن قوساتىن حالىقتىق- دەموكراتيالىق قوزعالىستىڭ ءتوراعاسى جانە رەسپۋبليكالىق «جالىن» جۋرنالىنىڭ باس رەداكتورى بولدى.
اقىننىڭ العاشقى ولەڭى 1959 -جىلى جاريالاندى، ال «باقىت» اتالاتىن تۇڭعىش جىر جيناعى 1966 -جىلى باسىلىپ شىقتى. ودان كەيىن 1968 -جىلى «باللادالار»، 1970 -جىلى «اي تۋىپ كەلەدى»، 1974 -جىلى «قىراندار توبەگە قونبايدى»، 1976 -جىلى «سەنىم پاتشالىعى» كىتاپتارى شىقتى.
مۇحتار شاحانوۆ 60-تان اسا ەلدەن 120-عا تارتا سىيلىق العان. 2002 -جىلى ەينشتەين اتىنداعى التىن مەدال بەرىلدى.
aikyn.kz