سىعاناق قالاشىعىندا كەشەندى زەرتتەۋ جۇمىستارى ءجۇرىپ جاتىر
كونە شاھاردا 2003 -جىلدان باستاپ كەشەندى تۇردە ارحەولوگيالىق قازبا جۇمىستارى جۇرگىزىلىپ جاتىر. 2014 -جىلدان بەرى وعان وبلىستىق بيۋدجەت ەسەبىنەن قارجى ءبولىنىپ كەلەدى. بيىل قازبا جۇمىستارى مامىر ايىنىڭ باسىندا باستالدى.
ونى «مادەني مۇرا» عىلىمي- زەرتتەۋ ورتالىعى» قولعا العان. قازبا قالاشىقتىڭ قورعانىس قامال قابىرعاسىنا جاناما سالىنعان قۇرىلىس جانە ورتالىق كوشە بويىنداعى شارۋاشىلىق نىساندارىندا جۇرگىزىلۋدە.
«وعان قوسا قازىرگى ۋاقىتتا ق ر ءبىلىم جانە عىلىم مينيسترلىگىنىڭ گرانتتىق قارجىلاندىرۋى بويىنشا «تاريحي- مادەني مۇرا نىسانى - ورتاعاسىرلىق سىعاناق قالاشىعىندا كەشەندى ارحەولوگيالىق زەرتتەۋلەر جۇرگىزۋ» جوباسى جاسالۋدا. بۇل جۇمىستار تۇركىستان قالاسىنداعى قوجا احمەت ياسساۋي اتىنداعى حالىقارالىق قازاق- تۇرىك ۋنيۆەرسيتەتى تاراپىنان قولعا الىنعان»، - دەپ ءمالىم ەتتى قىزىلوردا وبلىستىق مادەنيەت جانە سپورت باسقارماسىنان.
ۆەدومستۆو مالىمەتىنشە، قازبا جۇمىستارى قورعانىس قامال قابىرعاسىندا، ورتاعاسىرلىق كەسەنەلەردە جانە قوجامبەردى ەلدى مەكەنى ماڭىنداعى كوككەسەنە ساعاناسىندا جۇرگىزىلۋدە. قازبا جۇمىستارى اياقتالعاننان كەيىن جابىندىلار جابۋ ارقىلى كونسەرۆاتسيالاۋ جانە ۋاقىتشا ساقتاۋ، بەكىتۋ جۇمىستارى اتقارىلادى. ەسكە سالساق، بوتاي قونىسىندا تاريح ءپانى مۇعالىمدەرى قازبا جۇمىستارىن جۇرگىزەدى.
اۆتور: ءادىلجان ۇمبەت