الماتى مەن سيان اراسىندا جاڭا جۇك تاسىمالداۋشى ۇشاق قاتىنايدى

بەيجىڭ. قازاقپارات - «سيان-الماتى» باعىتىنداعى جاڭا جۇك تاسىمالداۋشى رەيستىڭ ىسكە قوسىلۋى ەكىجاقتى ساۋدانىڭ الەۋەتىن بارىنشا پايدالانۋعا ىقپال ەتەدى، ال الماتى قالاسى بولسا، ورتالىق ازياداعى ترانزيتتىك حاب رەتىندە ءوڭىردىڭ كولىك-لوگيستيكالىق مۇمكىندىگىن ارتتىرا تۇسەدى، دەپ حابارلايدى قازاقپارات ءتىلشىسى «چجۋنگوۆان» قىتاي اقپاراتتىق ينتەرنەت-ورتالىعىنا سىلتەمە جاساپ.

سيان (سولتۇستىك-باتىس قىتايدىڭ شەنسي پروۆيتسياسىنىڭ اكىمشىلىك ورتالىعى) مەن الماتى اراسىندا جاڭا جۇك تاسىمالداۋشى ۇشاعى قاتىنايتىن بولادى. اتالعان اۆيارەيس ماۋسىم ايىنان باستاپ قالالاردىڭ اراسىندا اپتاسىنا ءبىر رەت قاتىنايتىن بولادى.

بۇدان ءارى «سيان-الماتى» باعىتىنداعى رەيستەردىڭ جيىلىگى نارىقتىڭ سۇرانىسىنا بايلانىستى قالىپتاسادى.

وسىعان دەيىن حابارلانعانىنداي، مامىر ايىنىڭ سوڭىندا قىتايدىڭ ءىرى پورتتى قالاسى تيانتسزين مەن الماتىنىڭ اراسىندا جۇك تاسىمالداۋشى رەيسى ىسكە قوسىلعان ەدى.

جەرگىلىكتى بۇقارالىق اقپارات قۇرالدارىنىڭ حابارلاۋىنشا، جاڭا رەيس 100 ميلليوننان استام تۇرعىنى بار «پەكين-تيانتسزين-حەبەي» ەكونوميكالىق ءوڭىرى مەن ورتالىق ازيا اراسىنداعى جۇك تاسىمالداۋ ارنالارىن جەتىلدىرە تۇسپەك.

سونىمەن قاتار سيان قالاسىنان گەرمانيانىڭ مانگەيم قالاسىنا قازاقستان ارقىلى قاتىنايتىن، ۇزىندىعى 11,3 كيلومەتر بولاتىن جاڭا باعىت ىسكە قوسىلدى. بۇل باعىت كاسپي تەڭىزى مەن قارا تەڭىزدى باسىپ وتەدى.