بەيجىڭ قالالىق دەنساۋلىق ساقتاۋ كوميتەتى كوروناۆيرۋس جۇقتىرۋدىڭ ءبىر تاۋلىكتە 60 تان استام جاڭا جاعدايى تىركەلگەنىن حابارلادى. ىندەتكە شالدىققان ادامدار ۆيرۋستى چاويانداعى جەرگىلىكتى تۇنگى بارلاردىڭ بىرىنەن جۇقتىرعانى بەلگىلى بولدى.
سونىمەن بىرگە، سول بارعا بارىپ، كوۆيد جۇقتىرعان ناۋقاستار وسى اپتادا قىتاي ەلورداسىنىڭ باسقا 13 اۋدانىنان انىقتالعان. بەيجىڭ اكىمشىلىگىنىڭ مالىمەتىنشە، بارعا كەلۋشىلەر اراسىندا جەرگىلىكتى «دەنساۋلىق كودى» قوسىمشاسىنداعى QR- كود ارقىلى تەكسەرىلمەگەندەر كوپ بولعاندىقتان، بۇل ىندەت جۇقتىرۋى مۇمكىن ادامداردى ىزدەۋ جۇمىستارىن قيىنداتا تۇسۋدە.
بەيجىڭنىڭ چاويان اۋدانىندا شامامەن 3,5 ميلليون ادام تۇرادى جانە شەتەلدىك ديپلوماتيالىق وكىلدىكتەر ورنالاسقان. بەيسەنبىدەن باستاپ ونداعى بارلىق ينتەرنەت-كافەلەر مەن ويىن-ساۋىق ورىندارى جابىلا باستاعان. سول كۇنى چاويانداعى تۇرعىن الاپتارىنىڭ كوبىندە تۇرعىنداردان كوروناۆيرۋسقا تەست الىنا باستاعان.
بۇرىن حابارلانعانداي، 6- ماۋسىمنان باستاپ بەيجىڭدە كوروناۆيرۋسقا قارسى شەكتەۋلەر بىرتىندەپ الىنا باستاپ ، قوعامدىق كولىكتەردىڭ جۇمىسى قالپىنا كەلىپ، ساۋدا ورتالىقتارى مەن سپورتزالدار اشىلدى.