الماتى قالالىق كاسىپكەرلىك جانە ينۆەستيتسيالار باسقارماسىنىڭ مالىمەتىنشە، ساۋدا نىساندارى مەن وندىرىستىك كاسىپورىندارداعى قانت قورى 12 مىڭ توننادان اسادى.
«الماتىلىقتار اي سايىن 3,3 مىڭ توننا قانت تۇتىنادى. مەگاپوليسكە 30 مىڭ توننادان استام قانت جەتكىزۋ جوسپارلانىپ وتىر. بۇدان بولەك، الماتى وبلىسىنداعى «اقسۋ قانت زاۋىتى» ج ش س جانە جامبىل وبلىسىندا ورنالاسقان «مەركى قانت زاۋىتى» كاسىپورنىمەن 30 مىڭ توننا قانتقا كەلىسىمشارت جاسالدى»، - دەپ جاۋاپ بەردى قازاقپارات جولداعان ساۋالعا ۆەدومستۆودان.
سونىمەن قاتار، اكىمدىك قالاعا قانت ۋاقىتىلى جەتكىزىلىپ جاتقانىن اتاپ ءوتتى.
«قازاقستان تەمىر جولى» قانت تيەلگەن ۆاگونداردى كەشىكتىرمەي جەتكىزىپ وتىر. بۇگىنگى تاڭدا Magnum ساۋدا جەلىسىندەگى قانت قورى شامامەن 3 مىڭ توننانى قۇرايدى، ول كۇن سايىن تولىقتىرىلىپ وتىرادى»، - دەپ اتاپ ءوتتى اكىمدىكتەگىلەر.