شەكتەۋلەر رەسەيدەن ەكسپورتتالاتىن شيكى مۇنايدىڭ ۇشتەن ءبىرىن قامتيدى. اتالمىش شارالار جازدا كۇشىنە ەنەتىنىن ەسكەرسەك، مۇنايعا سۇرانىس ارتقاندا باعا دا ءوسۋى مۇمكىن دەيدى ساراپشىلار. بۇل رەتتە و پ ە ك ەلدەرىنىڭ مۇناي ءوندىرۋدى ارتتىرۋعا مۇمكىندىكتەرى شەكتەۋلى. ال الەمنىڭ ءىرى ەكونوميكالارىنىڭ ءوسىمى باياۋلاسا، بۇل كوتيروۆكالارعا تەجەۋشى فاكتور بولۋى مۇمكىن.
ەۋروپا ەلدەرى رەسەيلىك مۇنايدان باس تارتا باستاعاننان كەيىن، Brent جانە Urals الىپ- ساتۋداعى باعا ايىرماشىلىعىن ارتتىردى. بيىل ناۋرىزدان باستاپ سپرەد ورتا ەسەپپەن باررەلىنە 25 دوللار بولدى. ءبىراق بۇرىن ايىرماشىلىق شامالى بولعان. بۇل رەسەي ءىشىنارا ساتىپ الۋشىلارعا قوسىمشا شىعىنداردى وتەۋ ءۇشىن ءوز مۇنايىن جەڭىلدىكپەن ساتا باستادى دەگەن ءسوز. قازاقستان ءۇشىن كوتيروۆكالاردىڭ ءوسۋى، جاقسى بولارى ءسوزسىز. بۇل رەتتە تەڭگە نىعايادى. الايدا تەڭگەنىڭ دوللارعا شاققاندا باعامى پاندەمياعا دەينگى دەڭگەيگە جەتپەيدى دەيدى RiskTakersKZ تەلەگرامم- ارناسى.
www.24.kz