بۇل تۋرالى پرەزيدەنت جانىنداعى شەتەلدىك ينۆەستورلار كەڭەسىنىڭ 34-جالپى وتىرىسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«بۇگىندە گاز سالاسى كومىردى پايدالانۋ دەڭگەيىن تومەندەتۋدە ماڭىزدى ءرول وينايدى. قازاقستاننىڭ گازدانۋ دەڭگەيى 53 پايىزعا جەتتى. 10 ميلليونعا جۋىق ازامات گازعا قول جەتكىزىپ وتىر. ەلدىڭ ىشىندە گازدى قولدانۋ وتە جىلدام ارتىپ كەلە جاتىر. بۇل ءبىرىنشى كەزەكتە الماتىداعى ج ە و-2 مەن ج ە و-3- ءتىڭ گازعا كوشۋىمەن، گاز-حيميا كەشەنى جانە جاڭا وندىرىستىك كاسىپورىنداردىڭ ىسكە قوسىلۋىمەن بايلانىستى. كەلەسى جىلدىڭ ىشىندە-اق ىشكى نارىقتا گاز تاپشىلىعى بولجانادى. گازبەن ىشكى تۇتىنۋدى قامتاماسىز ەتۋ ونى ەكسپورتقا شىعارۋعا قاراعاندا ءسوزسىز باسىم»، - دەدى مەملەكەت باسشىسى.
وسىعان وراي پرەزيدەنت ەل ۇكىمەتىنە تەڭىز كەن ورنىنىڭ اكسيونەرلەرىمەن بىرلەسىپ، 2 ميلليارد تەكشە مەتر گازدى ەكسپورتتان ىشكى نارىققا كەرى باعىتتاۋ ماسەلەسىن قاراستىرۋدى تاپسىردى.
«سونىمەن قاتار ۇكىمەتكە قاشاعاندا قۋاتى 1 ميلليارد تەكشە مەتر بولاتىن گاز وڭدەۋ زاۋىتى قۇرىلىسى جوباسىن قارجىلاندىرۋ ماسەلەسىن شۇعىل شەشۋ تالاپ ەتىلەدى»، - دەدى قاسىم-جومارت توقايەۆ.