مەملەكەت باسشىسى حالىقارالىق كومپانيالاردىڭ باسشىلارىمەن كەزدەسۋ وتكىزدى

نۇر-سۇلتان. قازاقپارات – ق ر پرەزيدەنتى قاسىم-جومارت توقايەۆ شەتەلدىك ينۆەستورلار كەڭەسىنىڭ 34-وتىرىسى قارساڭىندا «Fortescue Future Industries» كومپانياسىنىڭ نەگىزىن قالاۋشى ءارى ديرەكتورلار كەڭەسىنىڭ ءتوراعاسى ەندريۋ فوررەستى، سونداي-اق «پوليمەتالل ۋك» اكسيونەرلىك قوعامىنىڭ پرەزيدەنتى يگور فينوگەنوۆتى قابىلدادى، دەپ حابارلايدى اقوردانىڭ باسپا ءسوز قىزمەتى.

ەندريۋ فوررەستپەن كەزدەسۋ بارىسىندا كومىرتەگىن از پايدالانا وتىرىپ دامۋ ماسەلەسى تالقىلاندى. بۇل - قازاقستاننىڭ ستراتەگيالىق ماقساتىنىڭ ءبىرى.

«Fortescue Future Industries» كومپانياسى ديرەكتورلار كەڭەسىنىڭ ءتوراعاسى پرەزيدەنتكە كومپانيانىڭ ەلىمىزدەگى جەل ەنەرگەتيكاسى جانە جاسىل سۋتەگىن ءوندىرۋ جوبالارىنا ينۆەستيتسيا سالۋ جوسپارى تۋرالى ايتتى.

يگور فينوگەنوۆ قاسىم-جومارت توقايەۆقا الەمدەگى ءىرى تاۋ-كەن جانە التىن ءوندىرۋشى كومپانيالاردىڭ قاتارىنا كىرەتىن «پوليمەتالل ۋك» اكسيونەرلىك قوعامىنىڭ جۇمىسى تۋرالى مالىمەت بەردى.

كاسىپكەر مەملەكەت باسشىسىنا گەولوگيالىق بارلاۋ جۇمىستارىن جۇرگىزۋ جانە كۇن ەلەكتر ستانتسيالارىن سالۋ جونىندەگى جوسپارىن ايتتى.