قازىر وندا وداقتاستاردىڭ 2 اپتاعا سوزىلاتىن اسكەري- تەڭىز وقۋ- جاتتىعۋلارى ءوتىپ جاتىر. ال گوتلاند رەسەيدىڭ كالينينگراد ايماعىنا ءتيىپ تۇر. بۇل شاعىن ارالدىڭ ستراتەگيالىق ماڭىزى نەگە ارتتى؟ 60 مىڭداي حالقى بار گوتلاندتان كالينينگراد نەبارى 300 شاقىرىم جەردە ورنالاسقان. ال كالينينگرادتا رەسەيدىڭ بالتىق مايدانىنىڭ باس شتابى تۇر. شۆەتسيا ارالداعى قورعانىستى رەسەي قىرىمدى باسىپ العان 2015 -جىلدان بەرى كۇشەيتە باستادى. ۋكرايناداعى جاعدايدان كەيىن شۆەتسيا ناتو قۇرامىنا كىرۋگە ءوتىنىش بەردى. ال اسكەري جاتتىعۋلار گوتلاندتا جىلدا وتەدى. ءبىراق بيىل اۆياتسيا مەن كەمەلەر قوسىلدى. وداقتاس اسكەر قاتارىندا 16 ەلدەن كەلگەن 7 مىڭ تەڭىزشى مەن ۇشقىش بار.
دجون مەنوني، ا ق ش تەڭىز اسكەرىنىڭ كونتر- ادميرالى:
- ستراتەگيالىق ماڭىزىنا توقتالسام، بۇل جەردە شۆەتسيا، فينليانديا جانە 14 ەلمەن بىرگە جۇمىس ىستەۋ مۇمكىندىگى بار. وسىلايشا ءبىز كەز كەلگەن داعدارىسقا قارسى توتەپ بەرە الامىز. جەر سىلكىنسە دە، جاۋ شاپسا دا، بارىنە دايىن تۇرۋىمىز كەرەك.
رەسەي رەسەي شۆەتسيا مەن فينليانديا ناتو- عا قابىلدانعان جاعدايدا قاتاڭ شارالار قابىلدايتىنىن ەسكەرتتى. كرەمل يادرورلىق قارۋ قولدانۋدان تايىنبايتىنىن بىرنەشە رەت مالىمدەگەن بولاتىن.
شۆەتسيا ميكاەل نورربي، پروفەسسور:
- بۇعان دەيىن گوتلاندقا قاتىستى ماسەلە ەشقاشان تۋىنداعان ەمەس. بالتىق ەلدەرىنە اسكەري قولداۋ كورسەتۋ ءىسى جەڭىلدەۋى نەمەسە كەرىسىنشە قيىنداۋى مۇمكىن. ءبارى ارالعا كىمنىڭ باقىلاۋ ورناتاتىنىنا بايلانىستى.
شۆەتسيا اسكەرىنىڭ سانى تۋرالى مالىمەت ءارتۇرلى. كەيبىر دەرەك بويىنشا 30 مىڭعا دا جەتپەيدى. ياعني رەسەي كۇشتەرىنەن بىرنەشە ەسە از. رەسمي ستوكگولم ايماقتاعى جاعداي ۋشىقسا، ەۋروپالىق وداقتاستار مەن ا ق ش كومەككە كەلەدى دەپ سەنەدى. ال ساراپشىلار ايماقتاعى جالپى جاعداي ۋكراينا داعدارىسىنا تىكەلەي بايلانىستى ەكەندىگىن العا تارتادى.
ەرنات قاشقىنوۆ
www.24.kz