بۇل تۋرالى سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين الەۋمەتتىك جەلىدەگى پاراقشاسىندا حابارلادى.
«اسەل بەگلينوۆا ەسىمدى وتانداسىمىز كانادادا كاسىپكەرلەرگە كومەكتەسەتىن سەرۆيس ويلاپ تاپتى. ونىڭ ستارتابى كانادا مەن امەريكا قۇراما شتاتتارىنداعى جۇزدەگەن كومپانيالار اراسىندا توپ جارىپ، ۇزدىك اتاندى»، - دەپ جازدى ۆەدومستۆو باسشىسى.
ول Google for Startups اكسەلەراتورى قازاقستاندا، اتاپ ايتقاندا Astana_hub-تا دا بار ەكەنىن اتاپ وتكەن. ونىڭ قۇرىلتايشىلارى ورتالىق ازيانىڭ بارلىق ەلدەرى، موڭعوليا جانە ءازىربايجان اراسىندا تاڭداۋ جاساپ، ءبىزدى وڭىرلىك سەرىكتەس رەتىندە تاڭداعان.
«ياعني، Astana Hub جانە Google for Startups ۇسىنعان Silkway اكسەلەراتسيالىق باعدارلاماسىنا ورتالىق ازيا، ازەربايجان جانە موڭعوليا ەلدەرىنەن Product/market fit ساتىسىندا ستارتاپ- كومپانيالار قاتىسا الادى.
ىرىكتەۋ ناتيجەلەرى بويىنشا 15 ۇزدىك جوبا نۇر- سۇلتان قالاسىندا وتەتىن جانە 3 ايعا سوزىلاتىن اكسەلەراتسياعا تەگىن قاتىسا الادى.
ستارتاپىڭىزدى جاڭارتقىڭىز، جانە ودان ءارى دامىتقىڭىز كەلسە، 12-ماۋسىمعا دەيىن تىركەلىپ ۇلگەرۋگە مۇمكىندىگىڭىز بار»، - دەپ حابارلاعان باعدات مۋسين.
اۆتور اسحات رايقۇل