قارجى ءمينيسترى سالىق بويىنشا تۇسىمدەر اسىرا ورىندالعانىن ايتتى
«ترانسفەرتتەردى ەسەپكە الماعاندا كىرىستەر بويىنشا جوسپار 156 ميلليارد تەڭگەگە اسىرا ورىندالدى. بيۋدجەتكە 7,4 تريلليون تەڭگە ءتۇستى. سالىق تۇسىمدەرى 7,1 تريلليون تەڭگەنى نەمەسە جوسپارعا قاراعاندا 102,1 پايىزدى قۇرادى. سالىق بويىنشا اسىرا ورىنداۋدىڭ نەگىزگى سوماسى كورپوراتيۆتىك تابىس سالىعىنا (225 ميلليارد تەڭگە)، شيكى مۇنايعا ەكسپورتتىق كەدەن باجىنا (89 ميلليارد تەڭگە) جانە يمپورتقا قوسىلعان قۇن سالىعىنا (41 ميلليارد تەڭگە) تيەسىلى بولدى»، - دەدى ە. جاماۋبايەۆ.
ونىڭ ايتۋىنشا، ەكونوميكاداعى ىسكەرلىك بەلسەندىلىكتىڭ بىرتىندەپ جاندانۋى، سالىق ءارى كەدەندىك اكىمشىلەندىرۋدى جەتىلدىرۋ مەن سيفرلاندىرۋ بويىنشا جۇرگىزىلىپ جاتقان جۇمىس سالىق تۇسىمدەرىن ۇلعايتۋدىڭ ماڭىزدى فاكتورلارىنىڭ ءبىرى بولدى. بۇدان بۇرىن حابارلانعانداي، بىلتىر الەۋمەتتىك شىعىستار 910 ميلليارد تەڭگەگە ۇلعايدى.
اۆتور: رۋسلان عابباسوۆ