بۇل تۋرالى ءال- فارابي اتىنداعى قازاق ۇلتتىق ۋنيۆەرسيتەتىنىڭ مەديتسينا جانە دەنساۋلىق ساقتاۋ فاكۋلتەتى جوعارى مەديتسينا مەكتەبىنىڭ كلينيكالىق ماماندىقتار كافەدراسىنىڭ پروفەسسورى كلارا شالابايەۆا ايتتى، دەپ حابارلايدى قازاقپارات ءتىلشىسى.
كلارا شالابايەۆانىڭ ايتۋىنشا، بالالاردا ءتىس اۋرۋلارى ءجيى كەزدەسەدى.
«دۇنيەجۇزىلىك دەنساۋلىق ساقتاۋ ۇيىمىنىڭ كريتەريلەرى بويىنشا ءبىزدىڭ رەسپۋبليكادا ءارتۇرلى جاس توپتارىنداعى بالالاردا كاريەستىڭ تارالۋى ورتاشا ەسەپپەن 70-85 پايىزدى قۇرايدى، ال قارقىندىلىعى جاعىنان ءبىزدىڭ بالالاردا كاريەستىڭ دەكومپەنساتسيالانعان ءتۇرى ءجيى كەزدەسەدى»، - دەدى كلارا شالابايەۆا.
مامان ءتىس اۋرۋىنىڭ ءتۇرلى سەبەبى بار ەكەنىن ايتتى. ونىڭ ءبىرى ءتاتتى تاعامداردى كوپ تۇتىنۋدان بولسا، بالا اعزاسىنا كالتسي جەتىسپەۋشىلىگىنەن دە ءتىس قۇرتتايدى.
«ءتىس اۋرۋلارىنىڭ العاشقى پروفيلاكتيكاسى باعدارلاماسىنىڭ جوقتىعى، مەكتەپ جاسىنداعى بالالارعا جوسپارلى تۇردە اۋىز قۋىسىن ساۋىقتىرۋ، جالپى ءبىلىم بەرەتىن مەكتەپتەردەگى ستاتسيونارلىق ستوماتولوگيالىق كابينەتتەردىڭ جابىلۋى سياقتى ماڭىزدى الەۋمەتتىك فاكتورلار ءتىس ساۋلىعىنىڭ ناشارلاۋىنا اكەلىپ سوقتىردى»، - دەيدى كلارا شالابايەۆا.
سونىمەن قاتار ول رەسپۋبليكاداعى ستوماتولوگيالىق مەكەمەلەردىڭ دان استامىنىڭ جەكە مەنشىككە ءوتۋى ستوماتولوگيالىق كومەكتى بالالار مەن جاسوسپىرىمدەرگە قولجەتىمسىز ەتكەنىن تىلگە تيەك ەتتى.
«ستوماتولوگيالىق قىزمەتتەردىڭ (پلومبالاردىڭ) جوعارى باعاسى ماتەريالدىق جاعدايى تومەن، اۋىلدى جەرلەردە تۇراتىن كوپبالالى وتباسى بالالارىنىڭ اۋىز قۋىسىن جاقسارتۋ مۇمكىندىگىنەن ايىردى. ال ءتىس اۋرۋىن ازايتپاي، دەنى ساۋ بالا ءوسىرۋ مۇمكىن ەمەس»، - دەدى سپيكەر
اۆتور الما مۇقانوۆا