نۇر- سۇلتان قالاسى بويىنشا سىبايلاس جەمقورلىققا قارسى قىزمەت ەمتيحان تاپسىرماي جۇرگىزۋشى كۋالىگىن بەرگەنى ءۇشىن جۇيەلى تۇردە زاڭسىز سىياقى الۋ جانە اۆتوكولىكتى تىركەۋ ەسەبىنە زاڭسىز قويۋ فاكتىسى بويىنشا تەرگەۋدى باستادى.
ۆەدومستۆو مالىمەتىنشە، بۇل ءىس بويىنشا اۆتوكولىك يەلەرىنە ارنالعان №2 حالىققا قىزمەت كورسەتۋ ورتالىعى قىزمەتكەرلەرى جانە وزگە دە تۇلعالار كۇدىككە ىلىنگەن. قازىرگى ۋاقىتتا قىلمىستىق ءىس بويىنشا ءبىرقاتار شۇعىل تەرگەۋ امالدارى جۇرگىزىلىپ جاتىر. ق ر ق پ ك 201-بابىنا سايكەس تەرگەۋ مۇددەسىندەگى وزگە اقپارات جاريالانبايدى.