مەملەكەتتىك كىرىستەر كوميتەتىنىڭ مالىمەتىنشە، قازاقستاندىق كومپانيا قىتايدان قۇنى 41,8 مىڭ دوللار بولاتىن شارۋاشىلىق تاۋارلارىن يمپورتتاعان. الايدا، كورشىلەس ەلدىڭ باس كەدەندىك باسقارماسىنىڭ دەرەگىنە سايكەس، ول تاۋاردىڭ قۇنى 171,4 مىڭ دوللاردى قۇرايدى.
«وسىلايشا، بۇل كومپانيا كەدەندىك قۇنىن 4 ەسەگە نەمەسە 129,6 مىڭ دوللارعا تومەندەتكەن. ءوندىرىپ الىنۋى ءتيىس كەدەندىك تولەمدەر مەن سالىقتاردىڭ سوماسى 12 ميلليون تەڭگەدەن استام سومانى قۇرادى. سول سياقتى، تاعى ءبىر كومپانيا 241 مىڭ دوللار تۇراتىن ماتا تاۋارىنىڭ كەدەندىك قۇنىن 24 مىڭ دوللار دەپ كورسەتكەن. سايكەسىنشە تاۋار قۇنى 10 ەسەگە تومەندەگەن. ءوندىرىپ الىنۋى ءتيىس كەدەندىك تولەمدەر مەن سالىقتاردىڭ سوماسى - 22,6 ميلليون تەڭگە»، - دەپ جازدى ۆەدومستۆو.
كەدەن زاڭناماسىن بۇزۋشىلىقتىڭ تاعى ءبىر مىسالى - جەكە كاسىپكەر ىشكى ميكروسحەمالارى جوق تەلەديدار كورپۋستارى اتىن جامىلىپ، SMART TV فۋنكتسياسى بار LED تەلەديدارلارىن اكەلگەن. بۇنىڭ دا انىق- قانىعى ق ح ر كەدەن باسقارماسىنىڭ اقپاراتتارىن سالىستىرۋ كەزىندە بەلگىلى بولعان. مەملەكەتتىك كىرىستەر كوميەتى جىل باسىنان بەرى تاۋارلاردىڭ كەدەندىك قۇنىن تومەندەتۋ فاكتىلەرى بويىنشا قوسىمشا 9,4 ميلليارد تەڭگە وندىرىلگەنىن جەتكىزدى.