قوسشى قالاسى پروكۋراتۋراسىنىڭ مالىمەتىنشە، 2021 -جىلدىڭ مامىر ايىندا سەلينوگراد اۋداندىق پوليتسيا ءبولىمىنىڭ ۋچاسكەلىك پوليتسيا ينسپەكتورى س. ەسىمدى ازاماتقا قاتىستى تىنىشتىقتى بۇزعانى ءۇشىن حاتتاما تولتىرعان.
الايدا، قالا پروكۋراتۋراسى وسى ءىستىڭ زاڭدىلىعىن تەكسەرۋ بارىسىندا بۇل ادامنىڭ رەسەيدە بولعانىن جانە اكىمشىلىك قۇقىق بۇزۋشىلىق جاساي المايتىنىن انىقتادى.
«قوسشى قالاسىنىڭ سوتى پروكۋروردىڭ نارازىلىعى بويىنشا اكىمشىلىك قۇقىقبۇزۋشىلىق 437-بابىنىڭ ەكىنشى بولىگى بويىنشا س. -نى اكىمشىلىك جاۋاپكەرشىلىككە تارتۋ تۋرالى قاۋلى ءىس جۇرگىزۋ قۇقىق بۇزۋشىلىق وقيعاسىنىڭ بولماۋىنا بايلانىستى توقتاتىلدى. سوت شەشىمى 3 مامىردا زاڭدى كۇشىنە ەندى»، - دەپ اتاپ ءوتتى ۆەدومستۆودان.
ۋچاسكەلىك پوليتسيا ينسپەكتورىنا قاتىستى قىلمىستىق كودەكستىڭ 369-بابىنىڭ 2-1-بولىگىندە كوزدەلگەن قىلمىستىق قۇقىق بۇزۋشىلىق قۇرامىنىڭ «قىزمەتتىك جالعاندىق» بەلگىلەرى، ياعني قۇقىق قورعاۋ ورگانى قىزمەتكەرىنىڭ رەسمي قۇجاتتارعا كورىنەۋ جالعان مالىمەتتەر ەنگىزۋى بويىنشا سوتقا دەيىنگى تەرگەۋ باستالدى.
«ءىستىڭ سوڭعى نۇكتەسىن سوت قويادى. ادامنىڭ جانە ازاماتتىڭ كونستيتۋتسيالىق قۇقىقتارىن ساقتاۋ ءارقاشان قوسشى قالاسى پروكۋراتۋراسىنىڭ ەرەكشە باقىلاۋىندا بولادى»، - دەپ تۇيىندەدى ۆەدومستۆودان.
ايتا كەتسەك، قوسشىدا ەرەسەك ادام 10 جاسار بالانى ۇرعان بولاتىن.
اۆتور: اسلان وسپانوۆ