«رەسەي تاراپىمەن كەلىسىمگە كەلىپ، كەلىسسوزدەردى اياقتاعان سوڭ ەكى جىلدىڭ ىشىندە گاز بۇل وبلىستارعا جەتەدى. ال گاز تاراتۋ ماسەلەلەرى وعان كىرمەيدى. ءبىرىنشى ماگيسترالدىك گاز قۇبىرىن جەتكىزەمىز. وعان قوسىمشا اۋدان، ەلدى مەكەندەردىڭ اراسىندا گاز تاراتۋ قۇبىرلارىن سالۋ كەرەك. وعان ءبىراز ۋاقىت كەتەدى»، - دەدى ول ماجىلىستە وتكەن ۇكىمەت ساعاتىنان كەيىن ب ا ق وكىلدەرىنە بەرگەن جاۋابىندا.
ءمينيستردىڭ مالىمەتى بويىنشا، اتالعان وڭىرلەرگە گاز تولىعىمەن تارتىلۋى ءۇشىن كەمىندە 5 جىل ۋاقىت كەرەك.
«سولتۇستىك پەن شىعىستاعى وڭىرلەردى گازبەن جابدىقتاۋ ءۇشىن 5 جىل كەرەك بولادى. سەبەبى ماگيسترالدىك گاز قۇبىرى كەلەتىن بولعان كۇننىڭ وزىندە تاراتۋ قۇبىرلارىن تارتۋ جۇمىستارى - ءوز الدىنا وزەكتى ماسەلە. وعان دايىندىق جۇمىستارىن جۇرگىزۋ كەرەك، قالالار مەن ەلدى مەكەندەردى قوسىمشا قۇبىرلارمەن جابدىقتاۋ كەرەك. ياعني، ونىڭ جۇمىسى كوپ. سول سەبەپتى وعان 5 جىلدان استام ۋاقىت كەتەدى»، - دەدى مينستر.
سونداي- اق، بۇگىنگى ۇكىمەت ساعاتىندا كولەڭكەلى ەكسپورت سۇيىتىلعان گاز باعاسىن قىمباتتاتۋى مۇمكىن ەكەنىن ايتتى.
اۆتور: ەسىمجان ناقتىباي