فرانسيادا «الەم» اتتى قازاقتاردىڭ جاڭا قاۋىمداستىعى قۇرىلدى

نۇر-سۇلتان. قازاقپارات - پاريج قالاسىندا ءوتىپ جاتقان «ەۋروپا قازاقتارىنىڭ كەزدەسۋ- قۇرىلتايىندا» قازاقتاردىڭ «الەم» اتتى جاڭا قاۋىمداستىعى قۇرىلدى، دەپ حابارلايدى قازاقپارات «وتانداستار قورى» قوعامىنا سىلتەمە جاساپ.

قاۋىمداستىقتىڭ اشىلۋ سالتاناتىنا ق ر فرانسياداعى توتەنشە جانە وكىلەتتى ەلشىسى جان گاليەۆ پەن «وتانداستار قورى» ك ە ا ق پرەزيدەنتى ابزال ساپاربەك ۇلى قاتىسىپ، الداعى جوسپارلارىنا ساتتىلىك تىلەدى.

قاۋىمداستىقتىڭ ماقساتى - قازاقتىڭ ۇلتتىق قۇندىلىقتارىن دارىپتەپ، اتامەكەن قازاقستانمەن بايلانىستاردى نىعايتۋ.

وتكىزىلىپ جاتقان شاراعا «الەم» قاۋىمداستىعىنىڭ ءتورايىمى يماشەۆا زۋلفات گيلزاكري مەن ۆيتسە- پرەزيدەنتى مايرا سكاكوۆا قاتىستى.

قاۋىمداستىق باسشىسى ز. يماشوۆا شەتەلگە كەتىپ، ەسىمدەرى ۇمىتىلعان قازاق جۇلدىزدارىن حالىققا تانىتۋ مەن قايتادان جاڭعىرتۋ - قاۋىمداستىقتىڭ باسىم باعىتتارىنىڭ ءبىرى بولاتىندىعىن ايتتى.