بۇل تۋرالى ق ر مەملەكەتتىك حاتشىسى ەرلان قارين ايتتى، دەپ حابارلايدى قازاقپارات ءتىلشىسى.
«بۇگىن - رەفەرەندۋم-2022 ۇگىت ناۋقانىنىڭ سوڭعى كۇنى. ەرتەڭ تىنىشتىق، ال ودان ارعى كۇن كونستيتۋتسيالىق رەفورمالارعا داۋىس بەرۋ كۇنى. ۇگىت ناۋقانى وتە بەلسەندى، قارقىندى جۇرگەنىن اتاپ وتكىم كەلەدى. قوعامدا كونستيتۋتسيالىق وزگەرىستەرگە، جالپى ساياسي رەفورمالارعا بارىنشا جوعارى قىزىعۋشىلىق بايقالادى. ۇلتتىق كەڭەستەگى ارىپتەستەرىممەن بىرگە كونستيتۋتسيالىق رەفورمالاردى تۇسىندىرۋگە قاتىستىق. اتاپ ايتقاندا، قىزىلوردا، سولتۇستىك قازاقستان وبلىستارى، الماتى قالاسى سىندى وڭىرلەرگە باردىق. ول جەرلەردە وڭىرلىك قوعامدىق كەڭەستەرمەن، شىعارماشىلىق جانە عىلىمي زياتكەرلەرمەن، جاستارمەن ءتۇرلى فورماتتا كەزدەسۋ وتكىزدىك. جاسىنا، ىستەيتىن قىزمەتىنە، تۇرعىلىقتى جەرىنە قاراماستان قازاقستاندىقتار ەلدەگى ورىن الىپ جاتقان وزگەرىستەرگە ۇلكەن نازار اۋداراتىندىعىن اتاپ وتكەن ءجون. جانە دە ازاماتتاردىڭ باسىم بولىگى پرەزيدەنتتىك ساياسي جاڭعىرۋ باعدارلاماسىن، جالپى كونستيتۋتسياداعى وزگەرىستەردى قولدايدى»، دەپ جازدى ەرلان قارين Telegram پاراقشاسىندا.
https://web.telegram.org/z/#-1118905413 سونىمەن قاتار ول ۇلتتىق قوعامدىق سەنىم كەڭەسىنىڭ مۇشەلەرىمەن بىرگە كونستيتۋتسيالىق رەفورمالاردىۋڭ نەگىزگى ەرەجەلەرىن ءتۇرلى ساراپشىلىق الاڭداردا، ب ا ق بەتىندە تالقىعا سالعاندارىن اتاپ وتەدى.
مىسال رەتىندە، ا. بايتاسوۆ پەن م. ابەنوۆتىڭ YouTube-ارنالارىن العا تارتادى.
«الەۋمەتتىك جەلىلەردە ادىستەمەلىك كومەك رەتىندە كونستيتۋتسياداعى تۇزەتۋلەردىڭ نەگىزگى باعىتتارىن تۇسىندىرۋگە ارنالعان ەكى روليك جاريالاندى. كوپشىلىك اتاپ وتكەندەي، ۇگىت جاپپاي مىڭداعان «العا- فورۋمسىز» ءوتتى. بارلىق ناۋقان قوعامدىق سۇحبات، اڭگىمەلەسۋ جانە تالقىلاۋ فورماتىندا بولدى. بۇل جاڭا قازاقستاننىڭ جاڭا ساياسي مادەنيەتىن قالىپتاستىرۋداعى العاشقى قادام»، - دەدى مەملەكەتتىك حاتشى.