وسى ورايدا قازاقستاندىقتار ءوز اتتارىندا نەسيە بار-جوعىن قالاي انىقتاي الادى؟
ميكرونەسيەنىڭ تانىمال تۇرلەرىنىڭ ءبىرى - قىسقا مەرزىمدى ميكرونەسيەلەر، ولاردى ميكروقارجى ۇيىمدارى (م ق ۇ) ونلاين رەجيمىندە بەرەدى. دەمەك بۇل ادامنىڭ جەكە دەرەكتەرى الاياقتار پايدالاناتىن ينتەرنەتكە تارالىپ كەتۋى مۇمكىن دەگەندى بىلدىرەدى.
الاياقتار مىناداي تاسىلدەردى دە پايدالانادى:
SIM- كارتالاردى يەسىنىڭ كەلىسىمىنسىز قايتا شىعارۋ؛
بانكينگ ارقىلى قاشىقتان اقشانى ۇرلاۋ ءۇشىن SMS- حابارلامالاردىڭ باعىتىن وزگەرتۋ، وزدەرىنە جىبەرتۋ؛
تەلەفون ءنومىرىن بۇرمالاۋ باعدارلامالارىن پايدالانۋ (بۇل ولارعا باسقا ادامداردىڭ نومىرلەرىمەن جاسىرىنۋعا كومەك بەرەدى).
قازاقستان ازاماتى ميكروكرەديتتى زاڭسىز رەسىمدەۋ تۋرالى پوليتسياعا ارىزدانعان جاعدايدا ميكروقارجى ۇيىمى جالعان ميكروكرەديت بويىنشا سىياقىنى ەسەپتەۋدى كۇنتىزبەلىك ءۇش كۇن ىشىندە توقتاتا تۇرۋعا جانە كليەنتكە تالاپ قويۋ جۇمىسىن توقتاتۋعا مىندەتتى.
باسقا بىرەۋدىڭ نەسيەسى ءسىزدىڭ اتىڭىزدا تۇرعانىن تەكسەرۋ ءۇشىن قارىزىنىڭ بار-جوعىن مەملەكەتتىك نەسيە بيۋروسىنىڭ رەسمي سايتىندا وزدەرى تۋرالى نەسيەلىك ەسەپتى سۇراتۋ جاساۋ كەرەك.
ايتا كەتەيىك، 2021-جىلدىڭ مامىر ايىنان باستاپ قازاقستاننىڭ قارجى نارىعىن رەتتەۋ جانە دامىتۋ اگەنتتىگى (ق ر ق ا) ونلاين شاعىن نەسيەلەردى بەرۋ كەزىندە قارىز الۋشىلاردى انىقتاۋ ءتارتىبىن قاتايتتى. ەندى ونلاين ميكرونەسيە بەرۋ ءۇشىن م ق ۇ كليەنتتى ءۇش جولدىڭ بىرىمەن جەكە دەرەكتەرىن سايكەستەندىرۋى كەرەك:
ەلەكتروندىق سيفرلىق قولتاڭبانى (ە ت س ق) پايدالانۋ؛
قازاقستان ۇلتتىق بانكىنىڭ سايكەستەندىرۋ دەرەكتەرىمەن الماسۋ ورتالىعىنىڭ قىزمەتى ارقىلى قارىز الۋشىنى بيومەتريالىق سايكەستەندىرۋ ارقىلى؛
جەكە دەرەكتەر مەن قارىز الۋشىنىڭ ناقتى ۋاقىتتاعى بەينەسىن ەكى فاكتورلى تەكسەرۋ ارقىلى.
سونىمەن قاتار، 2022-جىلدىڭ قاڭتارىنان باستاپ ميكروقارجى ۇيىمدارى كليەنت كورسەتكەن ابونەنتتىك ءنومىردى ۇيالى بايلانىس وپەراتورلارىنىڭ دەرەكتەرىمەن سالىستىرۋعا مىندەتتى.
قازاقستاندىقتار اراسىندا جالعان قارىزداردىڭ تۋىنداۋىنىڭ الدىن الۋ جانە ولاردىڭ مۇددەلەرىن الاياقتاردان قورعاۋ ماقساتىندا 16- قاڭتاردان باستاپ قازاقستاندا الاياقتىق جولمەن بەرىلگەن شاعىن نەسيە بويىنشا بەرەشەكتى رەتتەۋ ءتارتىبى ەنگىزىلدى.
stan.kz