بۇل تۋرالى ب ۇ ۇ باس حاتشىسىنىڭ رەسمي وكىلى ستەفان ديۋجارريك ءمالىم ەتتى، دەپ حابارلايدى قازاقپارات انادولى اگەنتتىگىنە سىلتەمە جاساپ.
« Republic of Turkey (تۇركيا رەسپۋبليكاسى) Republic of Türkiye بولىپ وزگەرتىلدى. ەل اتاۋىنىڭ قىسقا نۇسقاسى ەندى Turkey ەمەس، Türkiye بولادى. دەگەنمەن الفاۆيت بويىنشا تۇركيانىڭ ورنى وزگەرمەيدى»، دەدى ديۋجارريك.
ونىڭ ايتۋىنشا، اتالعان وزگەرىس تۇرىك بيلىگى ءوتىنىم بىلدىرگەن سوڭ بىردەن كۇشىنە ەنگەن. تۇركيا سىرتقى ىستەر ءمينيسترى ميەۆلۇت چاۆۋشوعلى Twitter - دە تۇسىندىرگەندەي، تۇركيا اتاۋىنىڭ جازباشا نۇسقاسىن وزگەرتۋ ەلدىڭ حالىقارالىق ارەناداعى بەدەلىن ارتتىرۋعا باعىتتالعان.
وسىلايشا، بۇدان بىلاي Turkiye («تۋركيە») اتاۋى بارلىق حالىقارالىق فورۋمدا جانە رەسمي قۇجاتتا قولدانىلادى. بۇرىن Turkey ،Turkei ،Turquie دەپ جازىلعان.