دەسە دە ىرىمشىل بابالارىمىز ءتۇس ارقىلى «اللا ايان بەردى» نەمەسە «ءتۇستىڭ كيەسى بار» دەپ سەنگەن.
بۇگىنگى ماقالامىزدا ءتۇرلى ۇلتتار نانىم-سەنىم بويىنشا تۇسكە التىن كىرسە قالاي جورىعانىن بايانداماقپىز.
enigma-project سايتىنىڭ مالىمەتىنە سەنسەك، تۇسىڭىزدە قولىڭىزدا التىن ۇستاڭىز، باستامالارىڭىز ءساتتى اياقتالادى دەگەن ءسوز. ەگەر ايەل ادام سىيلىققا تازا التىن نەمەسە اشەكەي بۇيىم الاتىن بولسا، داۋلەتتى، ءبىراق ساراڭ ادامعا تۇرمىسقا شىعادى.
التىن تاۋىپ الۋ - ارتىقشىلىقتارىڭىز بەن قابىلەتتەرىڭىزدىڭ ارقاسىندا بايلىق پەن قۇرمەتكە بولەنەتىنىڭىزدى بىلدىرەدى. ال كەرىسىنشە، التىن جوعالتساڭىز، الاڭعاسارلىعىڭىزدىڭ ارقاسىندا ومىرىڭىزدەگى ەڭ كۇشتى مۇمكىندىكتەن ايىرىلاسىز دەگەن ءسوز.
التىن كەنىن تاپساڭىز، كۇردەلى، ءبىراق قۇرمەتتى جۇمىس سىزگە جۇكتەلەدى. ال التىن كەنىندە جۇمىس ىستەپ جۇرسەڭىز، وزگەلەردىڭ مەنشىگىن زاڭسىز يەمدەنەتىنىڭىز جايلى حاباردار ەتەدى.
بۇل ءتۇس سىزگە مۇنداي ارەكەت ەرتەڭ زيان بولاتىنىن ەسكەرتەدى. سونداي-اق التىندى كورگەن ادامعا بايلانىستى، ءتۇس تە ءارتۇرلى جورىلادى:
ەر ادام - مانسابى جوعارىلايدى.
بويجەتكەن - توسىن سىيلار مەن سىيلىقتار
قاريا - ءومىردىڭ ءساتتى كەزەڭى باستالاتىنى
بالا - ارماننىڭ ورىندالۋى
جاڭا بوسانعان كەلىنشەك - نارەستەسىنىڭ ءومىرى ۇزاق، ءارى باقىتتى بولاتىنى
اياعى اۋىر كەلىنشەك تۇسىندە التىن كورسە، اياق-قولىن باۋىرىنا وڭاي الادى دەگەن ءسوز.
ەگەر التىن نەكە جۇزىگىن كورسەڭىز، كوپ ۇزاماي تويعا باراسىز.
Massaget.kz سايتى بەرگەن مالىمەتتەرگە سۇيەنسەك، قازاق حالقى ەگەر ادام تۇسىندە التىن كورسە، وندا ومىردە داۋلەتتى كىسىلەر دەمەۋ بەرەدى دەپ سەنگەن. دەسە دە وزگە ەلدەردىڭ ءتۇس جورۋىنا نازار اۋدارساق.
اتاقتى ۆانگانىڭ ءتۇس جورامالى
ءوزىنىڭ كورىپكەلدىگىمەن الەمگە تانىلعان ۆانگا تۇسكە التىن كىرسە، جاقسى ىرىمعا بالاماعان. ول بۇل مەتال - ومىردەگى ساتسىزدىكتەردىڭ بەلگىسى دەپ جورامالداعان. كورىپكەلدىڭ بولجامى بويىنشا، ومىرىندە مۇنداي قيىندىقتاردىڭ تۋىنداۋىنا ادامنىڭ ءوزى سەبەپكەر بولۋى مۇمكىن دەپ ەسەپتەيدى.
سول سەبەپتى ول تۇسىندە التىن كورگەن ادامدارعا ءبارىن باقىلاۋدا ۇستاماۋعا كەڭەس بەرەدى. سەبەبى ول مۇنىڭ سوڭى جاقىن ادامدار مەن دوستار اراسىنداعى كيكىلجىڭگە الىپ كەلۋى مۇمكىن دەپ ەسكەرتكەن.
پسيحولوگ گۋستاۆ ميللەردىڭ ءتۇس جورامالى
ايگىلى امەريكالىق پسيحولوگ گۋستاۆ ميللەردىڭ ءتۇس جورامالى العاش رەت XIX عاسىردىڭ سوڭىندا جاريالانسا دا، كۇنى بۇگىنگە دەيىن وزەكتىلىگىن جوعالتقان ەمەس.
عالىم ءوز ەڭبەكتەرىندە تۇسكە التىن كىرۋگە قاتىستى ءبىراز بولجامدار جاساعان.
سولاردىڭ بىرقاتارىمەن بولىسسەك:
ەگەر تۇسىڭىزدە التىن قۇيما كورسەڭىز، ماتەريالدىق جاعدايىڭىز جاقسارادى نەمەسە مانسابىڭىزدا وڭ وزگەرىستەر ورىن الادى؛
بويجەتكەندەردىڭ تۇسىنە التىننان جاسالعان اشەكەي بۇيىمدار كىرسە، دەمەك بولاشاق جارىڭىز داۋلەتتى جەردەن بولماق؛
تۇسىڭىزدە التىن قويمانى تاپساڭىز، وندا كۇردەلى، ءبىراق داڭقىڭىزدى شىعاراتىن ىسكە ۇسىنىس تۇسەدى دەپ ەسەپتەڭىز؛
ال ەگەر تۇسىڭىزدە التىندى الدەكىم ۇرلاپ السا، دەمەك قولعا العان ىستەرىڭىز ساتسىزدىككە ۇشىرايتىن بولادى.
پسيحواناليز نەگىزىن قالاۋشى - فرەيدتىڭ ءتۇس جورامالى
اتاقتى زيگمۋند فرەيد تە تۇسكە قاتىستى ءوز بولجامدارىن بولىسكەن. ونىڭ پايىمىنشا، ادامنىڭ تۇسىنە التىن كىرسە - وندا ونىڭ جەكە ومىرىندە وڭ وزگەرىستەر بولادى.
ماسەلەن، كىمدە-كىم ءوزىنىڭ ومىرلىك سەرىگىن كەزدەستىرۋدى ارمانداپ جۇرسە، دەمەك ونىڭ بۇل ارمانى جاقىن ارادا ورىندالادى دەگەن ءسوز.
نوسترادامۋستىڭ ءتۇس جورامالى فرانتسۋز فارماتسيەۆتى ءارى الحيميك نوسترادامۋس باعالى مەتالدار جايلى كوپ ىزدەنىپ، ءتۇرلى ەڭبەكتەر جازعان.
استرولوگتىڭ بولجامدارىندا تۇستە التىن كورۋ نەنىڭ بەلگىسى ەكەنى جايلى دا اقپارات كەزدەسەدى.
ونىڭ پىكىرىنشە: ەگەر التىندى تاۋىپ نەمەسە ساتىپ الساڭىز - جاعىمدى جاڭالىقتار ەستيسىز. التىن بۇيىمدارىڭىزدى جوعالتىپ الساڭىز - مۇمكىندىكتەردى جىبەرىپ الۋىڭىز مۇمكىن.
تۇسىڭىزدە بىرەۋ سىزگە التىن سىيلاسا جانە ول سىزگە ۇناسا، وندا وتباسىڭىزدا تىنىشتىق پەن بەرەكە ورنايدى. ەگەر كەرىسىنشە سىيلىق ۇناماسا، وندا سىزگە ساق بولۋ قاجەت. سەبەبى قولدا بار بايلىعىڭىزدان ايىرىلىپ قالۋىڭىز مۇمكىن.
يسلامدا تۇسكە التىن كىرۋ جونىندە نە ايتىلعان؟
يسلامداعى تۇسكە قاتىستى بولجامدار قۇران مەن پايعامبار سۇننەتتەرىنە نەگىزدەلگەن. وعان سايكەس، ەگەر ايەل ادامنىڭ تۇسىنە التىن كىرسە، وندا ول بويىنداعى قاۋىپ پەن الاڭداۋشىلىقتان ارىلىپ، وڭىندە قۋانۋى مۇمكىن. ال التىن ەر ادامنىڭ تۇسىنە كىرسە، وندا ونىڭ ومىرىندە تۇسىنىسپەۋشىلىكتەر مەن شىعىندار بولادى.
التىندى تاۋىپ الساڭىز، مۇلكىڭىزدەن ايىرىلىپ قالۋ قاۋپى بار. تۇسىڭىزدە التىندى بالقىتىپ جاتساڭىز - ۇرىستىڭ بەلگىسى.
تانىمال استرولوگ تسۆەتكوۆ ءتۇس جورۋلارىندا التىن جايلى نە دەيدى؟
فيزيكا-ماتەماتيكا عىلىمدارىنىڭ دوكتورى، استرولوگ ەۆگەني تسۆەتكوۆ ءوزىنىڭ ءتۇس جورامالدارىندا باعالى مەتالدار جونىندە بىرنەشە بولجامدارىن بولىسكەن. ونىڭ بولجامىنا سايكەس، التىنمەن اباي بولۋ كەرەك ەكەن. سەبەبى «جىلتىرىعاننىڭ ءبارى جاقسى ەمەس»، كەرىسىنشە ول قۇبىلمالى بولۋى مۇمكىن.
استرولوگ ەگەر تۇسىڭىزدە بىرەۋلەر باعالى مەتالدان جاسالعان اشەكەي بۇيىم سىيلاسا، وعان سەنۋگە بولمايدى دەيدى.
سەبەبى اشەكەيدى سىيلاعان ادامنىڭ سىزگە دەگەن نيەتى الدامشى بولۋى ابدەن مۇمكىن.
تسۆەتكوۆ ەگەر تۇسىڭىزدە التىن بۇيىمداردى ءوزىڭىز تاڭداپ جاتساڭىز - وندا جىلدام شەشىم قابىلداۋدان اسىقپاڭىز دەيدى.
ال جوعالعان اشەكەي بۇيىمدارىڭىزدى تاۋىپ الساڭىز - وندا جاڭا باستامالارىڭىز ساتسىزدىكتەرگە ۇشىراۋى مۇمكىن.
nur.kz