ولارعا تانىمدىق ەكسكۋرسيا ۇيىمداستىرىلدى، دەپ حابارلايدى ق ر ب ع م باسپا ءسوز قىزمەتى.
بالالار قازاقستان رەسپۋبليكاسى پرەزيدەنتىنىڭ كەڭسەسىندە بولدى. سونداي-اق ەلوردانىڭ جاس قوناقتارى مەملەكەت باسشىسىنىڭ اتىنان ەستەلىك سىيلىقتار الدى.
بالالار جىلى اياسىندا از قامتىلعان، كوپ بالالى وتباسى بالالارى، جەتىم بالالار، وقۋ وزاتتارى، سونداي-اق 10-14 جاس ارالىعىنداعى زياتكەرلىك جانە شىعارماشىلىق بايقاۋلاردىڭ جەڭىمپازدارى مەن جۇلدەگەرلەرى نۇر-سۇلتان قالاسىن ارالاۋعا جولداما الدى. وقۋشىلاردىڭ ايتۋىنشا، بۇل ساپار ەندى ولاردىڭ ەسىندە ماڭگى ساقتالادى.
«بۇگىن ءبىز «اقوردا» رەزيدەنتسياسىن ارالادىق. ونىڭ سىرتى قانداي ادەمى بولسا، ءىشى دە سونداي ادەمى. ءبىز كوپتەگەن زالدى ارالادىق، ءبىراق ماعان شىعىس زالى ەرەكشە ۇنادى. اقوردادا بولعانىمدا، وندا جۇمىس ىستەيتىندەردىڭ ءبىز ءۇشىن جانە «جاڭا قازاقستان» ءۇشىن ءبارىن جاساپ جاتقانىنا كوزىم جەتتى»، - دەپ ايتتى ەلورداعا تالدىقورعاننان كەلگەن 6-سىنىپ وقۋشىسى اقبوتا بولات العان اسەرى تۋرالى.
«اقوردادا وتە قىزىقتى جانە اسەرلى ەكسكۋرسيا بولدى. مەن ەلىمىزدىڭ تاريحى تۋرالى كوپتەگەن قىزىقتى دەرەكتى تىڭدادىم. سوڭىندا بىزگە دايىندالعان توسىن سىي ەرەكشە ۇنادى. سەبەبى بىزگە پلانشەتتەر سىيلادى»، - دەيدى جاس الماتىلىق ەراسىل سەرىكوۆ.
«مەنى ەكسكۋرسياعا جىبەرگەن مۇعالىمدەرىمە جانە مەكتەپ ديرەكتورىنا العىس ايتقىم كەلەدى. اقوردانى ارالاۋ وتە قىزىقتى بولدى، كوپتەگەن جاڭا اقپارات الدىم. مەن ءوز دوستارىمدى، بالالاردى حالىقارالىق بالالاردى قورعاۋ كۇنىمەن قۇتتىقتاعىم كەلەدى. بارلىق تىلەك ورىندالا بەرسىن. سونداي-اق مەملەكەت باسشىسىنا دا كەرەمەت سىيلىعى ءۇشىن العىس ايتقىم كەلەدى»، - دەيدى قاراعاندىلىق ارۋجان ەراسىنوۆا.
وڭىرلەردەن كەلگەن وقۋشىلار ەلوردانىڭ باسقا دا كورىكتى جەرلەرىن ارالادى. ولار وقۋشىلار سارايىندا، ۇلتتىق مۋزەيدە، استانالىق سيركتە بولىپ، «بايتەرەك» مونۋمەنتى مەن «AILAND» وتباسىلىق دەمالىس ورتالىعىندا بولدى.