ساۋدا ءمينيسترى قانت تاپشى دەپ ەلدى دۇرلىكتىرمەۋدى ءوتىندى
«سوزدەردى كونتەكستەن جۇلىپ الىپ، ەلدى دۇرلىكتىرۋدىڭ قاجەتى جوق. مەن ءوز بلوگىمدا «شاپاعات» بازارىندا قانتتىڭ بولماۋى تۋرالى ناقتى سۇراققا جاۋاپ بەرگەنمىن. جەكە دۇكەندەردە، بازارلاردا لوگيستيكانىڭ وزگەرۋىنە بايلانىستى ۋاقىتشا قانت بولماۋى مۇمكىن. قانت ءوندىرىسىنىڭ، يمپورتىنىڭ جانە تۇتىنۋدىڭ بالانسى بويىنشا بىزدە ەش تاپشىلىق جوق»، - دەدى باقىت سۇلتانوۆ ۇكىمەتتە وتكەن باسپا ءسوز ءماسليحاتىندا.
سونىمەن بىرگە، مينيستر قانتتىڭ ورتاشا باعاسى 432 تەڭگە دەڭگەيىندە ەكەنىن ايتتى.
ونىڭ ايتۋىنشا، قانت باعاسىنىڭ وزگەرۋىنىڭ نەگىزگى سەبەبى - جەتكىزۋ لوگيستيكاسىنا بايلانىستى.
سونداي-اق، كەشە ساۋدا جانە ينتەگراتسيا مينيسترلىگى ساۋدا كوميتەتىنىڭ ءتوراعاسى ەرجان قازانبايەۆ قازاقستاندا قانت تاپشىلىعى جوق ەكەنىن، قانت قورى جەتكىلىكتى مولشەردە بار ەكەنىن حابارلاعان ەدى.