«مەملەكەت باسشىسىنىڭ تاپسىرماسى بويىنشا باس پروكۋراتۋرا قاڭتار وقيعالارىنىڭ بارلىق سەبەپتەرى مەن ءمان- جايلارىن انىقتاۋ باعىتىنداعى جۇمىستاردى جالعاستىرۋدا. جۇمىستىڭ نەگىزگى كولەمى جاپپاي تارتىپسىزدىكتەر مەن تەرروريزم اكتىلەرىمەن جۇرگىزىلۋدە. ءوز ەرەكشەلىكتەرى بويىنشا ولار ءبىزدىڭ ەلىمىز ءۇشىن عانا ەمەس، شەتەلدە دە تەرگەۋ جانە دالەلدەۋ تۇرعىسىنان وتە كۇردەلى. ءىس جۇزىندە مۇنداي قىلمىستىق ىستەردى ءۇش اي نەمەسە جارتى جىلدا اياقتاۋ مۇمكىن ەمەس. بۇعان دەيىن حابارلانعانداي بىزدە 1,5 مىڭ زاقىمدالعان وبەكتىلەر بار. ءارقايسىسى بويىنشا قاراپ تەكسەرۋ جۇرگىزىلدى، زاتتاي دالەلدەمەلەر الىندى. ماتەريالدىق زالالدى انىقتاۋ ءۇشىن ساراپتامالار تاعايىندالدى»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.
ونىڭ ايتۋىنشا، قىلىستىق ىستەر بويىنشا مىڭنان استام كۇدىكتىلەر بار. ءار قايسىسىنان جاۋاپ الۋ، بەتتەستىرۋ، وقيعا ورنىن ناقتىلاۋ جانە باسقا دا كەشەندى تەرگەۋ ارەكەتتەرى قولعا الىنادى. بۇگىنگى كۇنى تەك ارنايى پروكۋرورلاردىڭ ىستەرى بويىنشا ەلىمىزدىڭ 8 وڭىرىندە 20 مىڭنان استام تەرگەۋ ارەكەتتەرى جۇرگىزىلدى. 3,5 مىڭ سوت ساراپتامالارى تاعايىندالدى.
«بارلىق جۇمىستار قىلمىستىڭ ءار قاتىسۋشىسىنىڭ ءرولىن انىقتاۋ، ونىڭ ارەكەتتەرىن وبەكتيۆتى باعالاۋ جانە زاڭدى پروتسەستىك شەشىم قابىلداۋ ءۇشىن جاسالادى. بۇل جاعدايدا تەرگەۋ ورگاندارى مەن سوتقا اقپاراتتىق قىسىم جاساۋ ماقساتىندا وقيعالاردى ءبىرجاقتى جاريالاۋعا جول بەرىلمەيدى. تولىق، وبەكتيۆتى جانە جان- جاقتى تەرگەۋ جۇرگىزۋ ءۇشىن قىلمىستىق قۋدالاۋ ورگاندارى بارلىق كۇشتى سالۋدا»، - دەدى ەلدوس قيلىمجانوۆ.
اۆتور مارلان جيەمباي