بۇل تۋرالى مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«قازاقستاندا كونستيتۋتسيانى وزگەرتۋ جونىندەگى جالپى ۇلتتىق رەفەرەندۋم العاش رەت وتەدى. بۇل وقيعا ەلىمىزدەگى دەموكراتيالىق داستۇرلەردى بەكىتۋ جولىنداعى ماڭىزدى قادامعا اينالادى. ەلىمىزدىڭ ازاماتتارى كونستيتۋتسيالىق وزگەرىستەردىڭ ءمان- ماڭىزىن جالپى تۇسىنەدى»، - دەدى ق ر پرەزيدەنتى ۇلتتىق عىلىم اكادەمياسىنىڭ 75 جىلدىعىنا ارنالعان سالتاناتتى سەسسيادا سويلەگەن سوزىندە.
مەملەكەت باسشىسىنىڭ اتاپ وتۋىنشە، رەفەرەندۋمعا ەلىمىزدە دە، شەتەلدە دە قىزىعۋشىلىق جوعارى. بۇل قوعامدىق- ساياسي وزگەرىستەرگە دەگەن الەۋمەتتىك سۇرانىستىڭ جوعارى ەكەندىگىن، ادامدار الداعى وزگەرىستەرگە شىنايى سەنەتىندىگىن بىلدىرەدى.
«بۇل - زاڭدىلىق. ويتكەنى، رەفورما جەكەلەگەن تۇلعالاردىڭ، ونىڭ ىشىندە پرەزيدەنتتىڭ ارتىقشىلىعىن ۇلعايتۋ ءۇشىن ەمەس، بۇكىل قوعامنىڭ مۇددەسىنە وراي وتكىزىلەدى. ماعان ەلدىڭ ىشىندە جانە شەتەلدەن «ءىس باسىنداعى مەملەكەت باسشىسى رەفەرەندۋم ارقىلى ءوز وكىلەتتىگى مەرزىمىن ۇزارتپاق پا؟ ياعني، پرەزيدەنتتىك مەرزىمىن جاڭادان قايتا باستاماق پا؟» دەگەن سۇراقتار قويىلدى. جاۋاپ بەرەمىن: مۇنداي نيەت بولعان جوق جانە بولمايدى دا. ۇسىنىلعان ساياسي جاڭعىرۋ باعدارلاماسى مازمۇنى جاعىنان وتە اۋقىمدى. نەگىزگى باسىمدىق ازاماتتاردىڭ قۇقىقتارى مەن بوستاندىقتار قورعاۋ جۇيەسىن كۇشەيتۋگە، ازاماتتاردىڭ مەملەكەتتى باسقارۋعا قاتىسۋىن كەڭەيتۋگە، بيلىك ينستيتۋتتارىنىڭ ترانسپارەنتتىلىگى مەن تيىمدىلىگىن كوتەرۋگە جاسالعان»، - دەدى قاسىم- جومارت توقايەۆ.