وسىلايشا، وسى ايدا ە و- داعى ينفلياتسيا كەزەكتى رەت ورتاشا بولجامنان %7,7 عا ارتتى. بۇل ەۋروپالىق ورتالىق بانكتى باعا قىسىمىن تەجەۋ ءۇشىن اگرەسسيۆتى ارەكەت ەتۋگە ءماجبۇر ەتەدى. قازىرگى ۋاقىتتا ينفلياتسيا ە و ب جوسپارلاعان 2 پايىزدان ءتورت ەسە كوپ، دەپ جازادى ەۋروپالىق باسىلىم. مۇنداي وزگەرىس نەگىزىنەن ەنەرگيا (مامىردا % 39,2، ساۋىردەگى %37,5) ، ودان كەيىن تاماق، الكوگول جانە تەمەكى (ساۋىردە %6,3، مامىردا %7,5) ونىمدەرى باعاسىنىڭ كۇرت كوتەرىلۋىنە بايلانىستى بولدى.
ازىق- تۇلىكتى، ەنەرگيانى، الكوگولدى جانە تەمەكىنى قوسپاعانداعى بازالىق ينفلياتسيا ساۋىردەگى 3,5 پايىزدان مامىردا 3,8 پايىزعا دەيىن ايتارلىقتاي ءوستى. ينفلياتسيالىق قىسىم ەۋروپادا ايتارلىقتاي وزگەرەدى. بالتىق جاعالاۋى ەلدەرى قاتتى زارداپ شەكتى. ينفلياتسيا ەستونيادا 20,1 پايىزعا، ليتۆادا 18,5 پايىزعا، لاتۆيادا 16,4 پايىزعا جەتتى. ەڭ تومەنگى كورسەتكىشتەر مالتادا (5,6 پايىز) جانە فرانسيادا (5,8 پايىز) تىركەلدى.