بۇل تۋرالى «حابار 24» تەلەارنا ءتىلشىسىنىڭ سۇراۋىنا اقجارقىننىڭ ادۆوكاتى سۇڭقار نۇرماعامبەتوۆ ايتتى.
ول قىتاي ادىلەت مينيسترلىگىنىڭ جاۋابى 2021-جىلى بەرىلگەنىن ايتىپ، ونىڭ قىتايدان قازاقستانعا بەرۋ الگوريتىمىنە توقتالىپ ءوتتى.
قورعاۋشىنىڭ ايتۋىنشا، ازاماتشامىزدى ەكستراديتسيالاۋعا ءومىر باقي باس بوستاندىعىنان ايىرۋ جازاسىنىڭ بەلگىلى مەرزىمگە كەسىلەتىن جازاعا اۋىستىرىلۋى ىقپال ەتەدى. بۇل بيىل بولۋى مۇمكىن.
ادۆوكات پروتسەدۋرانىڭ باستى بولىگى رەتىندى باس پروكۋراتۋراعا ەكستراديتسيالاۋ جونىندە ءوتىنىشتى 2016-جىلى بەرگەن.
2019-جىلى قىركۇيەك ايىندا پرەزيدەنت قاسىم-جومارت توقايەۆ قىتايعا ساپارى بارىسىندا ماسەلەنى شەشۋگە قولداۋ ءبىلدىرۋدى سۇراعان.
جالپى قازاقستان مەن قىتاي اراسىندا سوتتالعان ادامداردى ءبىر-بىرىنە بەرۋ تۋرالى كەلىسىمشارتقا 2015-جىلى قول قويىلعان.
قازاقستان تاراپى اقجارقىن تۇرلىبايدى ەكستراديتسيالاۋدان ءۇمىتىن ۇزگەن ەمەس.
ەسكە سالا كەتەيىك، اقجارقىن 8 جىل بۇرىن گۋانجوۋ اۋەجايىندا ەسىرتكىنى تاسىمالدادى دەگەن كۇدىكپەن ۇستالعان بولاتىن.