ەكسپوناتتار اراسىندا 2500 جىل بۇرىنعى 250 تابىت پەن 150 قولا ءمۇسىن بار. بۇل تۋرالى Deutsche Welle جازدى.
تابىلعان زاتتار ەجەلگى مىسىر استاناسى مەمفيسكە قىزمەت ەتكەن ەجەلگى جەرلەۋ ورنى نەمەسە قورىم ورنىنان تابىلعان.
مىسىر تۋريزم جانە كونە جادىگەرلەر مينيسترلىگى Instagram جەلىسىندە بۇل تابىلعان «تابىلعان مۇسىندەردىڭ كەيىنگى داۋىردەگى ەڭ ۇلكەن قويماسى» ەكەنىن ايتتى. ونىڭ ىشىندە انۋبيس، امۋن، مين، وسيريس، يسيس، نەفەرتۋم، باستەت جانە حاتور سياقتى قۇدايلاردىڭ مۇسىندەرى تابىلعانى اتاپ ءوتىلدى.
سونداي- اق، جەرلەۋ راسىمدەرىندە قولدانىلاتىن زاتتارمەن بىرگە بويالعان اعاش تابىتتار دا تابىلدى. تابىتتاردىڭ ءبىرىنىڭ ىشىنەن ارحەولوگتار جاقسى ساقتالعان يەروگليفپەن جازىلعان پاپيرۋس تاۋىپ، ودان ءارى تالداۋ ءۇشىن كايردەگى مىسىر مۇراجايىنا جىبەرىلدى.
كەيىنگى تابىلعان تابىتتار گيزانىڭ ۇلى پيراميدالارىنىڭ جانىندا سالىنىپ جاتقان جانە 2022 -جىلدىڭ سوڭىندا اشىلۋى ءتيىس ۇلكەن ەگيپەت مۇراجايىنا جەتكىزىلەدى.
بۇعان دەيىن مىسىرلىق ارحەولوگتار ءنىل وزەنىنىڭ جاعاسىنان 110 بەيىت تاپقان بولاتىن.
massaget.kz